«ەكونوميكالىق پاتريوتيزم باستى قاعيداتىمىزعا اينالۋعا ءتيىس». ولجاس بەكتەنوۆ ەاەو نارىعىندا قازاقستاندىق ءونىم ۇلەسىن ارتتىرۋدى تاپسىردى.

قازاقستاندا ماشينا جاساۋ ونىمدەرىنىڭ نارىعى $31,6 ملرد-قا باعالانادى. ونىڭ شامامەن 16%-ى وتاندىق ءوندىرىستىڭ ۇلەسىنە تيەسىلى. بۇگىندە قازاقستان اككۋمۋلياتورلار، ترانسفورماتورلار، كابەلدەر، لوكوموتيۆتەر، اۆتوموبيلدەر مەن اۆتوبۋستار ەكسپورتتايدى.

پرەمەر-مينيستر ەاەو نارىعىندا قازاقستاندىق ءونىمنىڭ ۇلەسىن ارتتىرۋ قاجەتتىگىن اتاپ ءوتتى.

ولجاس بەكتەنوۆ ەكونوميكالىق پاتريوتيزم باستى قاعيداتقا اينالۋى ءتيىس ەكەنىن باسا ايتتى. ءبىز قازاقستاندىق ونىمدەردى ساتىپ الىپ، سىرتقى نارىقتاردا بەلسەندى تۇردە دارىپتەۋىمىز قاجەت. ءوز كەزەگىندە، وتاندىق وندىرۋشىلەر ىشكى قاجەتتىلىكتەردى قاناعاتتاندىرۋ ءۇشىن دە، ەكسپورتقا دا قاجەتتى كولەمدە تاۋار ءوندىرۋدى قامتاماسىز ەتۋگە دايىن.

«ءبىزدىڭ الدىمىزدا لوكاليزاتسيالاۋ ۇلەسى جوعارى ءوندىرىس تسيكلىن قۇرۋ مىندەتى تۇر. بۇل رەتتە، جۇمىس تيىمدىلىگىن ارتتىرۋ ءۇشىن ءوندىرىستى دەر كەزىندە جاڭعىرتىپ وتىرۋ ماڭىزدى»، - دەپ اتاپ ءوتتى ولجاس بەكتەنوۆ.

سونىمەن قاتار، پرەمەر-مينيستر زاماناۋي تسيفرلىق جانە ونەركاسىپتىك تەحنولوگيالاردى ەنگىزۋدىڭ، وندىرىستىك پروتسەستەردى روبوتتاندىرۋ مەن اۆتوماتتاندىرۋدىڭ ماڭىزدىلىعىن اتاپ ءوتتى.

Abai.kz