ءماجىلىستىڭ جالپى وتىرىسىندا دەپۋتات اسحات راحىمجانوۆ پرەمەر-مينيسترگە 2029 جىلعا قاراي قازاقستان ەكونوميكاسى ءوسىمىن $450 ملرد-قا دەيىن قامتاماسىز ەتۋ جونىندەگى پرەزيدەنت تاپسىرماسىن ورىنداۋ بويىنشا ۇكىمەتتىڭ جوسپارىنا قاتىستى ساۋالىن جولدادى.

«ەلىمىزدىڭ 2025-2029 جىلدارعا ارنالعان الەۋمەتتىك-ەكونوميكالىق دامۋ بولجامىنا سايكەس، بازالىق ستسەناري بويىنشا ءجىو-ءنىڭ جىلدىق ءوسىمى ورتا ەسەپپەن 5,4% دەڭگەيىندە جوسپارلانعان. مۇنداي كورسەتكىشكە قول جەتكىزىلگەن جاعدايدا ەلىمىزدىڭ ىشكى جالپى ءونىمى 2025 جىلعى $321 ملرد-تان 2029 جىلى $498 ملرد-قا دەيىن وسەدى. وسىلايشا، مەملەكەت باسشىسىنىڭ 2029 جىلعا قاراي ءجىو كولەمىن $450 ملرد-قا دەيىن جەتكىزۋ مىندەتى ورىندالادى.

بىراق، ۇكىمەت ءوز جۇمىسىندا رەسپۋبليكانىڭ 2029 جىلعا دەيىنگى ۇلتتىق دامۋ جوسپارىندا كوزدەلگەن جوعارى مىندەتتەر قويىپ وتىر. اتالعان قۇجاتقا سايكەس، ءجىو-ءنىڭ جىلدىق ءوسىمى 5,6%-دان 6,9%-عا دەيىن بولۋى ءتيىس. بۇل – وتە اۋقىمدى مىندەت. مۇنداي كورسەتكىشتەرگە قول جەتكىزۋ ءۇشىن ەكونوميكانى ءارتاراپتاندىرۋ، ونىڭ كۇردەلىلىگىن ارتتىرۋ، ەلىمىزدە تەرەڭدەتە وڭدەلگەن ءونىم ءوندىرىسىن ۇيىمداستىرۋ، شيكىزاتقا تاۋەلدىلىكتەن ارىلۋ بويىنشا بەلسەندى جۇمىس قاجەت.

وزدەرىڭىز بىلەسىزدەر، بيىلعى 9 ايدىڭ قورىتىندىسى بويىنشا ءجىو ءوسىمى 4%-دى قۇرادى. سونىمەن قاتار بۇل وسىمگە مۇناي ءوندىرۋ كولەمىنىڭ تومەندەۋى اياسىندا قول جەتكىزىلدى. ياعني، ءوسىم باسقا دا مۇنايدان تىس سالالار ەسەبىنەن ءوسىپ جاتىر. ەكونوميكا اۋىل شارۋاشىلىعى ەسەبىنەن دامىپ كەلەدى، ول 11,4%-عا ءوستى. كولىك، ساۋدا ەسەبىنەن ءوسىم 6%-دان جوعارى كورسەتكىش كورسەتتى. قۇرىلىس 10%-دان استام ءوستى. وسىلايشا، بۇل سالالارداعى ءوسىم جالپى ەكونوميكانىڭ، ءجىو-ءنىڭ ءوسىمىن قولداۋعا مۇمكىندىك بەرەدى. ارينە، بۇل جەتكىلىكسىز، ءبىز مۇنى تۇسىنەمىز، سوندىقتان دا ءتۇيىندى ماسەلە بويىنشا قازىردىڭ وزىندە جۇمىس ىستەپ جاتىرمىز. بۇل – ەلىمىزدەگى ءىرى يندۋستريالىق جانە ينفراقۇرىلىمدىق جوبالاردى ىسكە اسىرۋ ءۇشىن ەكونوميكاعا ەلەۋلى ينۆەستيتسيا كولەمىن تارتۋ.

ءوسۋ مۇمكىندىكتەرىنىڭ ءبىرى – ينفراقۇرىلىمعا وتە ماڭىزدى ينۆەستيتسيالاردى كوزدەيتىن ۇلتتىق ينفراقۇرىلىمدى دامىتۋ جوسپارىن ىسكە اسىرۋ بولماق. سونداي-اق پرەزيدەنت جولداۋىندا بەرگەن تاپسىرماسىنا سايكەس، تكش جۇيەسىن جاڭعىرتۋدىڭ جاڭا ۇلتتىق جوباسىن ازىرلەۋ سوڭعى ساتىدا تۇر.

ۇلتتىق جوبادا 2029-2030 جىلدارعا دەيىن جالپى ينۆەستيتسيا كولەمى شامامەن 10 ترلن تەڭگە مولشەرىندە قاراستىرىلعان. جوبا ينجەنەرلىك ينفراقۇرىلىمدى ايتارلىقتاي جاڭارتۋمەن قاتار، وزدەرىڭىز بىلەتىندەي، بۇل سالادا توزۋ كورسەتكىشى وتە تومەن، بۇل – ءبىزدىڭ وتاندىق بيزنەس ءۇشىن ۇلكەن رەزەرۆ. ۇلتتىق جوبادا ءبىز بارلىق تاۋارلاردى، جۇمىستاردى، قىزمەتتەردى وتاندىق كاسىپكەرلەردەن باسىم تۇردە ساتىپ الۋدى كوزدەپ وتىرمىز. وسىلايشا، ءورشىل ماقساتتارعا جەتۋ ءۇشىن كوپ جۇمىس قاجەت. پرەزيدەنتتىڭ تاپسىرماسى ءسوزسىز ورىندالادى»، — دەپ اتاپ ءوتتى پرەمەر-مينيستر.