ەلىمىزدە ورتاشا جالاقى ءوستى، دەپ حابارلايدى ۇلتتىق ستاتيستيكا بيۋروسى.

مالىمەتكە سايكەس، قازاقستان بويىنشا اتاۋلى جالاقىنىڭ ورتاشا ءمانى 2024 جىلعى III توقساندا 390 328 تەڭگەنى قۇرادى. 2023 جىلدىڭ ءتيىستى توقسانىنا قاراعاندا ءوسىم 11,3%، ناقتى ماندە – 2,7%.

جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) 2024 جىلعى III توقساندا باعالاۋ بويىنشا 269 378 تەڭگەنى قۇرادى.

2023 جىلعى ءتيىستى توقسانمەن سالىستىرعاندا ورتاشا ايلىق جالاقىنىڭ ەڭ جوعارعى ءوسىمى اقپارات جانە بايلانىستا – 28,1%، قارجى جانە ساقتاندىرۋ قىزمەتىندە – 24,3%، ەلەكتر ەنەرگياسىمەن، گازبەن، بۋمەن، ىستىق سۋمەن جانە اۋانى كونديتسيالاۋمەن جابدىقتاۋدا – 20,6% بايقالدى. ءبىلىم بەرۋدە ورتاشا ايلىق جالاقى – 9,9%، دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە – 8% ءوستى، – دەپ قوستى ۆەدومستۆو.

وڭىرلىك بولىنىستە 2023 جىلدىڭ ءتيىستى توقسانىمەن سالىستىرعاندا 2024 جىلدىڭ III توقسانىندا ورتاشا ايلىق اتاۋلى جالاقىنىڭ ەڭ كوپ ءوسۋى شىمكەنتتە – 16,1%،  الماتى قالاسىندا – 15,2%، اقتوبە جانە اباي وبلىستارىندا – 14,2%-دان.

وڭىرلەر اراسىنداعى ورتاشا ايلىق نومينالدى جالاقىنىڭ ەڭ جوعارعى جانە ەڭ تومەنگى ماندەرى اراسىنداعى اراقاتىناس 2024 جىلعى III توقساندا 2,3 ەسەنى قۇرادى.

Abai.kz