اۋىل شارۋاشىلىعى ءمينيسترى ايداربەك ساپاروۆ "شاڭىراق" قب باسشىسى سادىربايدىڭ ۇستالۋى جايلى Ulysmedia.kz پورتالىنىڭ سۇراعىنا جاۋاپ بەردى.

– بەلسەندى سانجار بوقاەۆ الماسبەك سادىرباەۆتىڭ ۇستالۋىن بيۋدجەتتى يگەرىپ جاتقان ءارى مينيسترمەن، ياعني سىزبەن بايلانىستى وليگارحتاردىڭ تاپسىرىسى دەپ اتادى. ءسىز بۇعان قالاي جاۋاپ بەرەسىز؟ – دەپ سۇرالدى مينيستردەن.

بۇل سۇراققا جاۋاپ بەرگەن ايداربەك ساپاروۆ بىرىنشىدەن، “بۇعان ءبىزدىڭ ەشقانداي قاتىسىمىز جوق” دەيدى.

– ول «سەلحوزنيك» ەمەس. قۇقىق قورعاۋ ورگاندارى ۇستاسا، سول كىسىلەردىڭ وزدەرى بىلەتىن شىعار نە ءۇشىن ۇستاپ جاتقانىن. مەن جاڭا عانا ايتتىم، تاعى دا ايتام، سۋبسيديا دەگەن – شىعىنداردىڭ ورنىن تولتىرۋ. سۋبسيديانى وبلىستار بەرەدى. 2020 جىلدان باستاپ وبلىستارعا بەرىپ قويعانبىز. اۋىل شارۋاشىلىعى مينيسترلىگىندە تەك ەرەجە عانا قابىلدانادى. سۋبسيديا الاتىن ادام ءوتىنىش بەرگەندە جاۋاپكەرشىلىكتىڭ ءبارىن موينىنا الاتىنداي استىنا قولىن قويادى. سوندىقتان، نە ءۇشىن ۇستالعانىن، قالاي ەكەنى جونىندە پىكىر بىلدىرە المايمىن. مەن ونى بىلمەيمىن. قاي وبلىستان الدى؟ جۇمىس جۇرگىزىپ جاتقان سوترۋدنيكتەر بىلەتىن شىعار، – دەيدى مينيستر.

Abai.kz