«وسى جىلدىڭ 10 ايىنىڭ كورسەتكىشى بويىنشا 143 مىڭ كولىك قۇرالى رەسىمدەلدى، 291,4 ملرد تەڭگە سوماسىندا كەدەندىك تولەمدەر مەن سالىقتار بيۋدجەتكە ءتۇستى. بۇل رەتتە، 80 پايىزى جەڭىل اۆتو كولىك قۇرالىنا تيەسىلى بولدى. تەحنيكالىق رەگلامەنتكە سايكەس كەلمەيتىن جۇك اۆتوكولىك قۇرالدارىن تاسىمالداۋدى بولدىرماۋ ماقساتىندا قارجى مينيسترلىگىنىڭ مەملەكەتتىك كىرىستەر كوميتەتى مەن ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتىمەن بىرلەسكەن ءتيىستى بۇيرىعى ازىرلەنىپ، قابىلداندى. وسى بۇيرىق اياسىندا اككرەديتتەلگەن ۇيىمداردى تارتا وتىرىپ، ساۋدا جانە ينتەگراتسيا مينيسترلىگىنىڭ اتالعان كوميتەتىنىڭ اۋماقتىق ورگاندارىنىڭ قىزمەتكەرلەرىمەن بىرلەسكەن كەدەندىك تەكسەرۋلەر جۇرگىزىلۋدە»، - دەدى مينيستر.

ونىڭ اتاپ وتۋىنشە، 2024 جىلعى 1 قاراشادا تاۋەكەل بەيىنى 1 532 كەدەندىك دەكلاراتسيا بويىنشا ىسكە قوسىلدى. 2 577 جۇك اۆتوكولىك قۇرالىنا قاتىستى بىرلەسكەن كەدەندىك تەكسەرۋ جۇرگىزىلدى. ناتيجەسىندە تەحنيكالىق رەگلامەنتتى بۇزۋدىڭ 99 فاكتىسى انىقتالدى. 33 اكىمشىلىك جانە 2 قىلمىستىق ءىس قوزعالدى.

«ايتا كەتۋ كەرەك، رۇقسات بەرۋ قۇجاتتارىنىڭ سايكەسسىزدىگى انىقتالعان كەزدە مينيسترلىك جوسىقسىز سىناق زەرتحانالارى مەن سايكەستىكتى راستاۋ جونىندەگى ورگاندارعا قاتىستى شارالار قابىلداۋ ءۇشىن ۋاكىلەتتى ورگانعا اقپارات جىبەرەتىن بولادى. سونداي-اق، فورماتتى-لوگيكالىق باقىلاۋ، تەك ماقۇلدانعان كولىك قۇرالدارىنىڭ تۇرلەرىندە كورسەتىلگەن زاڭدى تۇلعالارعا عانا كولىك قۇرالىنىڭ ءتيپىن ماقۇلداۋ مۇمكىندىگى بەلگىلەندى»، - دەدى ول.