استانا قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى ەرجان ادىلبەكوۆ وڭىرلىك كوممۋنيكاتسيالار قىزمەتىندە وتكەن بريفينگتە ەلوردادا وتكىزىلىپ جاتقان «ۋچاسكە» جەدەل-الدىن الۋ ءىس-شاراسى تۋرالى ايتتى، دەپ حابارلايدى قالالىق اكىمدىكتىڭ رەسمي سايتى.

قىزمەت كورسەتىلەتىن اكىمشىلىك ۋچاسكەلەردە قۇقىق بۇزۋشىلىقتاردىڭ الدىن الۋ ءۇشىن وسى جىلدىڭ 16 قىركۇيەگىنەن 15 جەلتوقسانىنا دەيىن ەلوردا اۋماعىندا «ۋچاسكە» جەدەل-الدىن الۋ ءىس-شاراسى وتكىزىلەدى.

جەدەل-الدىن الۋ ءىس-شاراسى شەڭبەرىندە پاتەرلەر مەن اۋلالاردى ارالاۋ جۇرگىزىلەدى، تۇرعىندار وزدەرىنىڭ اۋماقتىق ۋچاسكەلىك ينسپەكتورلارىمەن تانىسىپ، وعان وزدەرىن تولعاندىرعان ماسەلەلەرىمەن جۇگىنە الادى.

«جالدامالى پاتەرلەردە تۇراتىن ادامدار بولەك تەكسەرىلەدى. جاڭادان انىقتالعان جالعا بەرىلەتىن تۇرعىن ءۇي تۋرالى اقپارات سالىق زاڭناماسىنىڭ ساقتالۋىن تەكسەرۋ ءۇشىن مەملەكەتتىك كىرىستەر ورگاندارىنا جىبەرىلەدى. جەدەل-الدىن الۋ ءىس-شاراسى باستالعاننان بەرى 380 مىڭنان استام پاتەر مەن 28 مىڭ جەكە مەنشىك ءۇي يەلەرى تەكسەرۋدەن ءوتتى»، - دەدى ەرجان ادىلبەكوۆ.

سونىمەن قاتار زاڭدىلىقتىڭ باسقا دا بۇزۋشىلىقتارى انىقتالۋدا. بارلىعى 24 مىڭنان استام اكىمشىلىك قۇقىق بۇزۋشىلىق انىقتالدى.

«جەدەل-الدىن الۋ ءىس-شاراسى بارىسىندا ىشكى ىستەر ورگاندارىنىڭ پروفيلاكتيكالىق ەسەپتەرىندە تۇرعان ادامدار قوسىمشا تەكسەرىلەدى. سوت بەلگىلەگەن تىيىمدار مەن شەكتەۋلەردى بۇزۋدىڭ 64 فاكتىسى انىقتالدى، 19 ەسەپكە الىنۋشى اكىمشىلىك جاۋاپكەرشىلىككە تارتىلدى»، - دەپ تولىقتىردى ادىلبەكوۆ.

ايتا كەتۋ كەرەك، زاڭدىلىقتىڭ كەز كەلگەن بۇزىلۋىنا «نولدىك توزىمدىلىك» قاعيداتى اياسىندا جۇزەگە اسىرىلاتىن ءۆانداليزمنىڭ جولىن كەسۋ جۇمىستارى جانداندىرىلدى.

«جىل باسىنان بەرى 147-1-باپ بويىنشا بوتەننىڭ مۇلكىن قاساقانا جويعانى نەمەسە بۇلدىرگەنى ءۇشىن 338 ادام اكىمشىلىك جاۋاپكەرشىلىككە تارتىلدى، سونىڭ ىشىندە 125 ادام قاماۋعا الىندى، 177 ادامعا ايىپپۇل سالىندى. ۇساق بۇزاقىلىق جاساۋ فاكتىلەرى بويىنشا 2 071 ادام جاۋاپقا تارتىلىپ، ونىڭ 628-ءى قاماۋعا الىندى، 1220 ادامعا ايىپپۇل سالىندى»، - دەدى سپيكەر.

بۇدان بولەك، قالالىق ينفراقۇرىلىم مەن جالپى ءۇي مۇلكىنىڭ زاقىمدانۋ فاكتىلەرىن انىقتاۋ بويىنشا مامانداندىرىلعان جەرگىلىكتى رەيدتىك پىسىقتاۋلاردى تۇراقتى جۇرگىزۋ ۇيىمداستىرىلدى. جىل باسىنان بەرى بارلىعى 1000-نان استام وسىنداي ءىس-شارالار وتكىزىلدى.

ءۆانداليزمنىڭ الدىن الۋ جۇمىستارى قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن جۇرگىزىلەدى.

Abai.kz