قوناەۆ اكىمدىگىنىڭ جەر قاتىناستارى ءبولىمى قالادا 4 064 گەكتار جەر مەملەكەتكە قايتارىلعانىن مالىمدەدى. 

اكىمدىك مالىمەتىنشە، جىل باسىنان بەرى سوت شەشىمىمەن 3 395,2 گەكتار جەر قايتارىلسا، ءوز ەركىمەن جەردى يەلەنۋ قۇقىعىنان باس تارتۋ بويىنشا 668,9 گەكتار جەر مەملەكەتكە بەرىلدى. قازىرگى ۋاقىتتا جالپى كولەمى 930 گەكتار جەر ۋچاسكەسى تۋرالى ءىس سوتتا قارالىپ جاتىر.

سونداي-اق قوناەۆ اكىمدىگى ەگىن شارۋاشىلىعىن جۇرگىزۋ ءۇشىن 130 گا جەر ۋچاسكەلەرىنە كونكۋرس وتكىزۋ جوسپارلانىپ وتىرعانىن حابارلادى.

– بۇل جەرلەر 10 جىلعا جالعا بەرىلەدى. كونكۋرستى وتكىزۋ تۋرالى حابارلاما مەرزىمدى باسىلىمداردا، سونداي-اق اكىمدىكتىڭ رەسمي سايتىندا، جەر رەسۋرستارىن باسقارۋ جونىندەگى ورتالىق ۋاكىلەتتى ورگاننىڭ ينتەرنەت-رەسۋرسىندا جاريالانادى، - دەپ حابارلادى اكىمدىكتەن.

Abai.kz