الماتى وبلىسىنىڭ اكىمى مارات سۇلتانعازيەۆ تالعاردا بولعان جاعدايعا بايلانىستى پىكىر ايتتى. بۇل تۋرالى qazaq.today سايتى جازدى. 

«ءبىز ول وتباسىعا ءوز كوڭىلىمىزدى ايتامىز. جالپى بۇل ماسەلە ءبىزدىڭ نازارىمىزدا. قۇقىق قورعاۋ ورگاندارى ءوز جۇمىسىن اتقارىپ جاتىر. قازىرگى تاڭدا ءىس ىشكى ىستەر ءمينيسترى مەن باس پروكۋروردىڭ جەكە باقىلاۋىندا. سول سەبەپتەن ءبىزدىڭ اۋديتورياعا ايتقىم كەلگەنى سابىر ساقتاپ، قۇقىق قورعاۋ ورگاندارىنىڭ بەرگەن مالىمەتتەرىنە كوڭىل ءبولىپ، سەنۋ. قازىر ولار اشىق جۇمىس ىستەپ جاتىر. ءار جۇمىسى بويىنشا باق-تا اقپارات جاريالاپ جاتىر»، - دەيدى  مارات سۇلتانعازيەۆ ورتالىق كوممۋنيكاتسيالار قىزمەتىندە وتكەن بريفينگتە.

ەسكە سالايىق، تالعار تراگەدياسىنىڭ ەلدى شۋلاتىپ، قوعامنىڭ نازارىن اۋدارعانىنا ءۇش ايعا جۋىقتادى. عايىپباەۆتىڭ توسىن ءولىمى تاعىدا قوعامدى ءدۇر سىلكىندىردى. ونىڭ سوڭى شەرزاتتىڭ اكەسى قامالىپ، اپكەسىنىڭ جەر اۋدارىلۋىمەن اياقتالدى. اتىشۋلى وقيعانىڭ سوڭى قالاي جانە قاشان بىتەرى بەلگىسىز.

Abai.kz