سوڭعى جىلدارى الماتىدا جاستاردىڭ ءبىلىم مەن ءوزىن-ءوزى دامىتۋ سالاسىنا دەگەن بەلسەندىلىگى ارتىپ كەلەدى. الماتى جاستارى ءارتۇرلى وقىتۋ ءىس-شارالارىنا، شەبەرلىك ساباقتارىنا جانە ترەنينگتەرگە بەلسەنە قاتىسۋدا، ال مۇنداي باستامالاردىڭ ماڭىزدى الاڭى قالالىق كوميۋنيتي ورتالىقتارى.

الماتىنىڭ كوميۋنيتي ورتالىقتار جاستارعا جاڭا ءبىلىم الۋ، پايدالى تانىستىقتار ورناتۋ جانە كاسىبي داعدىلاردى دامىتۋ ءۇشىن بىرەگەي مۇمكىندىكتەر ۇسىنادى. ورتالىقتاردا ديزاين جانە ونەر، باعدارلامالاۋ جانە IT-تەحنولوگيالار، كوشباسشىلىق پەن كاسىپكەرلىك، ەكولوگيالىق ءبىلىم بەرۋ، سونداي-اق سەيسميكالىق دايىندىق پەن ەرىكتىلەردى وقىتۋ سياقتى ءتۇرلى باعىتتار بويىنشا تەگىن كۋرستار جۇيەلى تۇردە وتكىزىلەدى. اسىرەسە، جاستار مەن ەرىكتىلەردى توتەنشە جاعدايلاردا ارەكەت ەتۋ داعدىلارىنا ۇيرەتۋگە ەرەكشە كوڭىل بولىنەدى. سەيسميكالىق دايىندىققا تەوريالىق جانە پراكتيكالىق ساباقتار كىرەدى، وندا قاتىسۋشىلار جەر سىلكىنىسى كەزىندە قالاي ارەكەت ەتۋ، العاشقى كومەك كورسەتۋ جانە حالىقتى ەۆاكۋاتسيالاۋعا كومەكتەسۋ تۋرالى ءبىلىم الادى. مۇنداي باعدارلامالار تەك حاباردارلىق دەڭگەيىن ارتتىرىپ قانا قويماي، قوعامدا قاۋىپسىزدىككە جاۋاپتى كوزقاراس قالىپتاستىرۋدىڭ نەگىزىن قالايدى.

وسىنداي باعدارلامالاردىڭ كوپتەگەن قاتىسۋشىلارى ءوز جەتىستىكتەرىمەن ءبولىستى.

«مەن كوميۋنيتي ورتالىعىنداعى گرافيكالىق ديزاين كۋرستارىنا قاتىسا باستادىم جانە بىرنەشە ايدان كەيىن-اق ءوزىمنىڭ العاشقى كوممەرتسيالىق تاپسىرىسىمدى الا الدىم. بۇل ءوزىن-ءوزى دامىتۋ مەن مانساپتى باستاۋ ءۇشىن تاماشا مۇمكىندىك»، - دەدى جاس ديزاينەر زەرە ماقساتقىزى

مۇنداي باعدارلامالاردىڭ تابىستى بولۋى قالا باسشىلىعىنىڭ  قوعامدىق ۇيىمداردىڭ بەلسەندى قولداۋىنىڭ ارقاسىندا مۇمكىن بولدى. كوميۋنيتي ورتالىقتار ءاربىر جاس ادام ءوزىنىڭ الەۋەتىن ىسكە اسىرا الاتىن قولجەتىمدى جانە جايلى ورتا قۇرۋعا ۇمتىلادى. الماتى جاستارى ءبىلىم مەن دامۋعا دەگەن ۇمتىلىستىڭ – تابىس كىلتى ەكەنىن دالەلدەۋدە. قاۋىمداستىق ورتالىقتارىنا بارىپ، وقىتۋ باستامالارىنا قاتىسۋ ارقىلى جاس ۇرپاق ءوز بىلىمدەرىن بايىتىپ قانا قويماي، ءوز قالاسى مەن ەلىنىڭ بولاشاعىنا ۇلەس قوسۋدا.

Abai.kz