قازاقستان سىرتقى ىستەر مينيسترلىگى: «سيرياداعى سوعىستى توقتاتۋدا «استانا پروتسەسىنىڭ» قاتىسى جوق. سيريا ماسەلەسى بويىنشا «استانا پروتسەسى» 2017 جىلدان بەرى 22 رەت وتكىزىلدى»، - دەيدى.

سىرتقى ىستەر ءمينيسترىنىڭ ورىنباسارى الىبەك باقاەۆ سەنات وتىرىسىندا «BES.media» تىلشىسىنە قازاقستاننىڭ سيريا بويىنشا ۇستانىمى تۋرالى بايانداپ، تاياۋ شىعىستاعى قاقتىعىستى رەتتەۋ الاڭى رەتىندە «استانا پروتسەسىنە» باعا بەردى.

«بۇۇ شەشىمدەرىن مۇقيات قاداعالايمىز. بۇل ۇيىم («حايات تاحرير اش-شام») قازاقستاننىڭ تەرروريستىك ۇيىمدارىنىڭ تىزىمىنە كىرمەيدى. ءبىز سيرياداعى جاعدايدى جانە بۇۇ قابىلدايتىن شەشىمدەردى مۇقيات باقىلايمىز»، - دەپ ءتۇسىندىردى الىبەك باقاەۆ.

سيرياداعى اساد بيلىگىن قۇلاتىپ، ەل بيلىگىن قولعا العان «حايات تاحرير اش-شام» اقش، تۇركيا، رەسەي جانە بۇۇ-دا «تەرروريستىك توپ» دەپ تانىلسا، قازاقستاندا تەرروريستىك توپتار تىزىمىنە ەنگىزىلمەگەن.

«استانا پروتسەسى»

«جاقىندا بولعان وقيعانىڭ «استانا پروتسەسىنە» تىكەلەي قاتىسى جوق. بىراق، ەگەر «استانا پروتسەسىنە» قاجەتتىلىك تۋىنداسا، ءبىز ونى كەپىلدىك بەرگەن ەلدەرمەن بىرگە قاراپ، ءتيىستى شەشىمدەر قابىلدايتىن بولامىز»، - دەدى الىبەك باقاەۆ.

استانادا سيرياداعى جاعدايدى رەتتەۋ جونىندەگى پروتسەستەر ءوتىپ، بۇلىكشىلەرگە، ءتۇرلى توپتاردىڭ كوشباسشىلارىنا، وپپوزيتسيا مەن ۇكىمەتكە كەلىسسوزدەر ۇستەلىنە وتىرۋعا استانا كومەكتەسكەن ەدى.

Abai.kz