اسا ءىرى الاياقتىق جاسادى دەگەن كۇدىكتى رەسەيدەن ەكستراديتسيالاندى. بۇل تۋرالى قر باس پروكۋراتۋراسى حابارلادى. 

قازاقستان رەسپۋبليكاسىنىڭ باس پروكۋراتۋراسى رەسەي فەدەراتسياسىنان اسا ءىرى مولشەردە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ءۇشىن وزبەكستان ازاماتىن ەكستراديتسيالادى.

كۇدىكتى 2005-2007 جىلدار ارالىعىندا الماتى قالاسىنداعى قۇرىلىس كومپانياسىندا بۋحگالتەر بولىپ جۇمىس ىستەي وتىرىپ، ۇلەستىك قۇرىلىسقا قاتىسۋشىلاردان اقشا قابىلداۋدى جۇزەگە اسىرعان، تۇرعىن ءۇي كەشەنىنىڭ اياقتالماعان قۇرىلىس وبەكتىسى بويىنشا كىرىس كاسسالىق وردەرلەرىنە بۋحگالتەرلىك ەسەپتە كورسەتىلمەگەن جالعان تۇبىرتەكتەر جازعان.

ونىڭ جانە قىلمىستىڭ باسقا دا قاتىسۋشىلارىنىڭ ارەكەتتەرى سالدارىنان الماتى قالاسىنىڭ 80-نەن استام تۇرعىنى زارداپ شەكتى، ولارعا 3,7 ملرد تەڭگەدەن استام شىعىن كەلتىرىلدى.

قىلمىسقا قاتىسۋشىلاردىڭ ءبىرى سوتتالعان، الايدا ول قىلمىس جاساعاننان كەيىن جاسىرىنعان، سوندىقتان وعان حالىقارالىق ىزدەۋ  جاريالاندى.

وتكەن جىلدىڭ جەلتوقسان ايىندا ىزدەۋدە جۇرگەن ادام رەسەي فەدەراتسياسىنىڭ كراسنودار ولكەسىندە ۇستالدى، سودان كەيىن قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا قازاقستانعا ەكستراديتسيالاندى.

قازىرگى ۋاقىتتا كۇدىكتى تەرگەۋ يزولياتورىنا قامالدى. ايىپتاعان قىلمىس جاساعانى ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.

Abai.kz