الماتى، اقتوبە جانە جامبىل وبلىستارىندا تەرىس ءدىني اعىمىنداعى راديكالدار ۇستالدى. بۇل تۋرالى قر ۇلتتىق قاۋىپسىزدىك قىزمەتى مالىمدەدى.

– ۇقك الماتى قالاسىندا، اقتوبە جانە جامبىل وبلىستارىندا ءدىني راديكالدار ارەكەتىنىڭ جولىن كەستى. تەرروريزمدى، ونىڭ ىشىندە تەلەكوممۋنيكاتسيا جەلىلەرىن پايدالانۋ ارقىلى ناسيحاتتادى دەگەن كۇدىكپەن 3 ادام قاماۋعا الىندى. ەكى فيگۋرانت بۇرىن دەنساۋلىققا قاساقانا اۋىر زيان كەلتىرگەنى، قاراقشىلىق جاساعانى، ەسىرتكى زاتتارىن زاڭسىز العانى جانە ساقتاعانى ءۇشىن سوتتالعان. تاعى بىرەۋى بۇرىن شەتەلدىك سودىرلار لاگەرلەرىندە دايىندىقتان ءوتىپ، قازاقستانعا تاپسىرمامەن ورالعان، سوندا ۇستالىپ، سوتتالعان. ۇزاق مەرزىمدى جازاسىن وتەپ بوستاندىققا شىققاننان كەيىن دە راديكالدى يدەولوگيادان باس تارتپاعان. تەرگەۋ ارەكەتتەرى بارىسىندا ولاردىڭ تۇرعىلىقتى مەكەنجايلارى بويىنشا ءدىني ادەبيەت جانە باسقا دا زاتتاي دالەلدەمەلەر تاركىلەندى، – دەلىنگەن ۇقك مالىمدەمەسىندە.

Abai.kz