قازاقستان مەن رەسەي بيلىگى وكىلدەرىنىڭ كەلۋى ىقتيمال بايقوڭىردا قاۋىپسىزدىك شارالارى كۇشەيتىلەدى.

بيىل بايقوڭىردىڭ 70 جىلدىعىن مەرەكەلەۋگە قازاقستان مەن رەسەي بيلىگىنىڭ وكىلدەرى قاتىسادى دەپ كۇتىلۋدە.

بايقوڭىر اكىمشىلىگىنىڭ مالىمەتىنشە، 2025 جىل مەرەيتويلىق ءىس-شارالارعا جانە قازاقستان رەسپۋبليكاسى مەن رەسەي فەدەراتسياسىنىڭ جوعارى لاۋازىمدى تۇلعالارىنىڭ ىقتيمال ساپارىنا بايلانىستى قارقىندى جىل بولادى.

«پوليتسيا قىزمەتكەرلەرى حالىق كوپ جينالاتىن ورىنداردا قاۋىپسىزدىكتى قامتاماسىز ەتەدى، بۇل ولارعا ساپالى قىزمەت كورسەتۋ جانە قىراعىلىق ءۇشىن قوسىمشا جاۋاپكەرشىلىك جۇكتەيدى»، - دەدى قالا اكىمدىگى باسشىسىنىڭ مىندەتىن اتقارۋشى تيمۋر ۆەربيتسكي.

وتكەن جىلدىڭ قاراشاسىندا قاسىم-جومارت توقاەۆ پەن ۆلاديمير پۋتين عارىشتى يگەرۋدەگى ودان ءارى ىنتىماقتاستىق تۋرالى كەلىستى.

Abai.kz