باس پروكۋراتۋرانىڭ ارنايى پروكۋرورلارى «سەمەي ورمانى» ورتىنە قاتىستى بارلىق قىلمىستىقىستىڭ سوڭعى نۇكتەسىن قويدى.

قازاقستان رەسپۋبليكاسىنىڭ باس پروكۋراتۋراسى «سەمەي ورمانى» موتر» رمم  (بۇدان ءارى – رەزەرۆات) ءورتتىڭ ءسوندىرۋىن قامتاماسىز ەتپەگەن ۋاكىلەتتى مەملەكەتتىك ورگانداردىڭ لاۋازىمدى تۇلعالارىنا قاتىستى سوتقا دەيىنگى تەرگەپ-تەكسەرۋدى اياقتادى.

وسىلايشا، رەزەرۆاتتىڭ باس ديرەكتورىنىڭ مىندەتىن اتقارۋشى مەن نوۆوشۋلبينسك فيليالىنىڭ ديرەكتورىنا قاتىستى قىلمىستىق ءىس سوتقا جىبەرىلىپ، ونىڭ شەشىمىمەن فيگۋرانتتار 2024 جىلعى مامىردا ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزعانى ءۇشىن كىنالى دەپ تانىلىپ (قك-ءنىڭ 292-بابى 3-بولىگى), ارقايسىسىنا 7 جىلعا باس بوستاندىعىنان ايىرۋ جازاسى تاعايىندالدى.

2024 جىلعى تامىزدا اباي وبلىستىق اپەللياتسيالىق سوتى ۇكىمدى وزگەرىسسىز، سونداي-اق سوتتالعانداردىڭ، ادۆوكاتتاردىڭ جانە قورعاۋشىلاردىڭ شاعىمدارىن قاناعاتتاندىرۋسىز قالدىردى.

2024 جىلعى قازاندا كەلەسى قىلمىستىق ءىس بويىنشا سەمەي قالاسىنىڭ №2 سوتى رەزەرۆاتتىڭ اقپاراتتىق تەحنولوگيالار جانە بايلانىس ءبولىمىنىڭ باستىعىن ابايسىزدا اۋىر زارداپتارعا اكەپ سوققان سالعىرتتىق فاكتىسى (قك-ءنىڭ 371-بابى 2-بولىگى) بويىنشا مەملەكەتتىك قىزمەتتە جانە جەرگىلىكتى ءوزىن-ءوزى باسقارۋ ورگاندارىندا 3 جىل مەرزىمگە لاۋازىمدى اتقارۋ قۇقىعىنان ايىرا وتىرىپ، 2 جىلعا باس بوستاندىعىنان ايىرۋعا ۇكىم ەتتى.

سونداي-اق بىلتىرعى جىلعى قازاندا بورودۋليحا اۋداندىق سوتىنىڭ شەشىمىمەن «قازاق ورمانداردى اۆياتسيالىق قورعاۋ جانە ورمان شارۋاشىلىعىنا قىزمەت كورسەتۋ بازاسى» رمقك باس ديرەكتورىنىڭ مىندەتىن اتقارۋشىسىنا قاتىستى شەشىم شىعاردى، سونداي-اق مەملەكەتتىك قىزمەتتە جانە جەرگىلىكتى ءوزىن-ءوزى باسقارۋ ورگاندارىندا 2 جىل مەرزىمگە لاۋازىمدى اتقارۋ قۇقىعىنان ايىرا وتىرىپ، قك-ءنىڭ 371-بابى 2-بولىگىمەن 2 جىلعا باس بوستاندىعىنان ايىرۋعا ۇكىم ەتتى.

وسىلايشا، بارلىق كىنالى جازانىڭ ءارتۇرلى مەرزىمدەرىنە سوتتالدى.

سونىمەن قاتار قازاقستان رەسپۋبليكاسى باس پروكۋراتۋراسىنىڭ ۇسىنۋى بويىنشا ەكولوگيا جانە تابيعي رەسۋرستار مينيسترلىگىنىڭ، توتەنشە جاعدايلار مينيسترلىگىنىڭ 10 قىزمەتكەرى دە ءتۇرلى تارتىپتىك جاۋاپكەرشىلىككە تارتىلدى.

قاداعالاۋ ۆەدومستۆوسى ورمان جانە قورشاعان ورتانى قورعاۋ ۇيىمدارىنىڭ قىزمەتكەرلەرىن الەۋمەتتىك قورعاۋ دەڭگەيىن ارتتىرۋعا باعىتتالعان بىرقاتار نورماتيۆتىك-قۇقىقتىق اكتىلەرگە وزگەرىستەر ەنگىزدى.

Abai.kz