اقش الماتىدان 70 مىڭ شارشى مەتر جەردى جالعا الىپ، جاڭا كونسۋلدىق قۇرىلىسىن باستاماق.

ءماجىلىس دەپۋتاتى ايگۇل قۇسپاننىڭ ايتۋىنشا، 2024 جىلدىڭ 27 قىركۇيەگىندە نيۋ-يوركتە ۋچاسكەنى 49 جىلعا جالعا الۋ تۋرالى كەلىسىمگە قول قويىلعان. ءماجىلىس دەپۋتاتتارى اتالعان قۇجاتتى راتيفيكاتسيالاۋ تۋرالى قورىتىندىنى دايىنداۋعا كىرىسىپ كەتكەن.

اقش كونسۋلدىعى ستاندارتتى فۋنكتسيالاردى ورىندايدى، سونىڭ ىشىندە ۆيزالار بەرۋ، ازاماتتارعا كومەك كورسەتۋ جانە ازاماتتىق اكتىلەردى تىركەۋ، سونىمەن قاتار قازىرگى كەڭسەلەرمەن سالىستىرعاندا قىزمەتكەرلەردىڭ قاۋىپسىزدىگىن جوعارىلاتادى.

الماتىدا جاڭا عيمارات سالۋ جوسپارى 2019 جىلى تالقىلانعان. ول كەزدە اقش ەلشىسى مودەرنيزاتسيانىڭ ماڭىزدىلىعىن جانە كونسۋلدىق قىزمەتكەرلەرى ءۇشىن سەنىمدى سەيسميكالىق قاۋىپسىزدىك تۋرالى ايتقان.

Abai.kz