شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ عالىمدارى قازاق ءتىلىن ۇيرەتۋدىڭ دەڭگەيگە سايكەستەندىرىلگەن ناقتى جۇيەسىن جيناقتاپ، ا1, ا2, ۆ1, ۆ2, س1 دەڭگەيلەرىنە ارنالعان لەكسيكالىق جانە گرامماتيكالىق قۇرىلىمداردىڭ تولىق ءتىزىمىن  جاساپ شىعاردى.

عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ باسشىلىعىمەن جۇزەگە اسىرىلعان «مەملەكەتتىك جانە انا تىلدەرىن وقىتۋ بويىنشا وقۋ-ادىستەمەلىك قۇرالداردى ازىرلەۋ، شىعارۋ جانە تاراتۋ» جوباسىنىڭ اياسىندا «ءتىل-قازىنا» ۇلتتىق عىلىمي-پراكتيكالىق ورتالىعى باسپادان شىققان جاڭا وقۋ قۇرالدارى مەن كىتاپتاردى كوپشىلىك نازارىنا ۇسىندى. ءىس-شارا 2025 جىلدىڭ 24 قاڭتارىندا قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا عالىمدار مەن وقىتۋشىلار قاۋىمىنىڭ قاتىسۋىمەن ءوتتى.

لەكسيكا-گرامماتيكالىق مينيمۋمدار (لگم) ­- وتاندىق تاجىريبەدە العاش رەت دايىندالىپ، حالىقارالىق CEFR ستاندارتتارىنا (Common European Framework of Reference – شەت تىلدەرىن مەڭگەرۋ بويىنشا جالپى ەۋروپالىق ستاندارتتار) تولىق سايكەس كەلەتىن ادىستەمەلىك ءونىم. لگم ءتىل ۇيرەنۋشىلەرگە قازاق ءتىلىن جۇيەلى، عىلىمي نەگىزدەلگەن جانە ءتيىمدى تاسىلدەرمەن مەڭگەرۋگە مۇمكىندىك بەرەدى. وقۋ قۇرالدارى تىڭدالىم، وقىلىم، ايتىلىم جانە جازىلىم داعدىلارىن ۇيلەستىرىپ، تىلدىك كەدەرگىلەردى جەڭۋگە كومەكتەسەدى. ءار دەڭگەيگە ارنالعان بەلسەندى لەكسيكا مەن گرامماتيكالىق قۇرىلىمدار قازاق ءتىلىن ۇيرەنۋشىلەردىڭ كۇندەلىكتى قارىم-قاتىناس داعدىلارىن دامىتۋعا باعىتتالعان.

لگم قۇراستىرۋشىلارىنىڭ ىشىندە حالىقارالىق دەڭگەيدە ادىستەمەلىك تاجىريبەسى بار لينگۆيست-عالىمدار: ا.ق. بالابەكوۆ، ن.ج. داۋلەتكەرەەۆا، ل.م. دەمەسىنوۆا، ج.م. ىسقاكوۆا، ا.م. قاليەۆا، گ.ا. مۇساەۆا، ج.ك.ءسۇيىنجانوۆا.

لەكسيكا-گرامماتيكالىق مينيمۋم نەگىزىندە ازىرلەنگەن ا1, ا2 وقۋ قۇرالدارى قازاق ءتىلىن ەكىنشى ءتىل رەتىندە وقىتاتىن مەكەمەلەرگە ۇسىنىلىپ تاراتىلدى.

«قازاق ءتىلى. ا1 قاراپايىم دەڭگەي» وقۋ قۇرالى
اۆتورلارى: ا.ق. بالابەكوۆ، س.ە.مۇسابەكوۆا

«قازاق ءتىلى. ا2 بازالىق دەڭگەي» وقۋ قۇرالى
اۆتورلارى: ل.م. دەمەسىنوۆا، ا.م. قاليەۆا 

ءىس-شارا بارىسىندا قازاق ءتىلىن ۇيرەنۋشى ءتۇرلى ەتنوس وكىلدەرى مەن شەتەلدەگى قانداستارىمىزعا ادىستەمەلىك قولداۋ كورسەتۋ ماقساتىندا شىعارىلعان باسقا دا وقۋ قۇرالدارى مەن كىتاپتار تانىستىرىلدى.  

«ءسوز جانە سويلەۋ مادەنيەتى» س1 دەڭگەيىندەگى وقۋ قۇرالى
اۆتورلارى: ج.ەرەكەشوۆا، ش.قايبراحمان, ا.ورىنباەۆا

«انا ءتىلى» وقۋ قۇرالى
اۆتورى: ت. ايتماعانبەتوۆا

بانك، مەديتسينا، قوعامدىق ورىندار جانە ساۋدا سالالارى بويىنشا قالتا سوزدىكتەر
اۆتورلارى: ا.ا.يگەنوۆا، م.ش.اعىمباەۆا، ا.ز.امانتاەۆا، ا.گايپوۆا

قازاقشا-ورىسشا وقۋ سوزدىگى. ا1, ا2 دەڭگەيلەرى
اۆتورلارى: ج.ا.تۇرلىبەكوۆا، ا.س.وشانوۆا

«تىلدەردى وقىتۋعا ارنالعان پلاتفورمالار» كومەكشى قۇرالى
اۆتورلارى: و.قويچيبەكوۆ، م.قۋاندىق

«قازاق ءتىلى: ا2 دەڭگەيى. تۇرىك ءتىلدى اۋديتورياعا ارنالعان وقۋ قۇرالى»
اۆتورلارى: ن.بيراي، گ.قۇرمانعاليەۆا-ەردجيلاسۋن، س.ۇزاقبايقىزى،
ل. ەسبوسىن, ج.م. يسكاكوۆا

«قازاق حالقىنىڭ ونەگەلىك سالت-داستۇرلەرى»
اۆتورلارى: ە.ماساگۋتوۆا، ۋ.احمەتجانوۆا

 ش.شاياحمەتوۆ اتىنداعى «ءتىل-قازىنا»  ۇلتتىق عىلىمي-پراكتيكالىق ورتالىعىنىڭ  حالىقارالىق قاتىناس جانە PR ءبولىمى

Abai.kz