وڭتۇستىك كورەيا پرەزيدەنتىنە رەسمي تۇردە ايىپ تاعىلدى. پروكۋراتۋرا بيلىكتەن شەتتەتىلگەن پرەزيدەنت يۋن سوك يولگە «بۇلىكتى باسقاردى» دەگەن ايىپ تاقتى.

Yonhap جازۋىنشا، يۋن ەلدىڭ بۇرىنعى قورعانىس ءمينيسترى جانە باسقا دا لاۋازىمدى تۇلعالارمەن بىرىگىپ، 2024 جىلدىڭ 3 جەلتوقسانىندا قۇقىققا قايشى، زاڭسىز اسكەري جاعداي ەنگىزۋگە تىرىسقانى ءۇشىن سوتقا تارتىلدى. ولار بۇل ويىن قانداي دا ءبىر سوعىس، قارۋلى قاقتىعىس نەمەسە ۇلتتىق داعدارىس بەلگىلەرى بولماعانىنا قاراماستان ىسكە اسىرعانى ايتىلعان.

بۇدان باسقا يۋن سوك يول پارلامەنتتە اسكەري جاعدايدى جويۋعا قارسى داۋىس بەرۋ پروتسەسىن بۇزۋ ءۇشىن اسكەر جىبەردى، وپپوزيتسيا جەتەكشىلەرىن جانە سايلاۋ كوميسسياسى وكىلدەرىن تۇتقىنداۋعا ارەكەتتەندى دەپ ايىپتالىپ وتىر.

Abai.kz