بۇگىن ۇكىمەتتىڭ كەڭەيتىلگەن وتىرىسىنا قاتىسقان مەملەكەت باسشىسى قاسىم-جومارت توقاەۆ: «مەملەكەتتىڭ ءىس-ارەكەتتەرىنە تۇسىنىستىكپەن قاراعان ءجون»، - دەيدى.

پرەزيدەنتتىڭ سوزىنشە، اقپاراتتىق جۇمىس ۋاقتىلى ءارى ساپالى جۇرگىزىلگەن جاعدايدا كوپتەگەن ماسەلەنى، سونىڭ ىشىندە قوعامدا دۇربەلەڭ تۋدىرعان تۇيتكىلدەردى ۋشىقتىرماي شەشۋگە بولاتىن ەدى.

«ماجبۇرلەۋ شارالارى بولماسا، ءتارتىپ ورناتۋ مۇمكىن ەمەس ەكەنىن الەمدىك تاجىريبە كورسەتىپ وتىر. سوندىقتان مەملەكەتتىڭ ءىس-ارەكەتتەرىنە تۇسىنىستىكپەن قاراعان ءجون. بۇل ورايدا ديالوگ ارقىلى قوعامدىق كەلىسىمگە كەلۋ كەرەك. قالاي دەسەك تە، مەملەكەت زاڭ ءتارتىبىن قامتاماسىز ەتۋ ءۇشىن قابىلدايتىن شارالار ءوز ەلىن كۇستانالاۋعا سەبەپ بولماۋعا ءتيىس. كەيبىر ازاماتتار ەلىمىزدى مازاق قىلۋعا اۋەستەنىپ بارادى. مىسالى، وزگە ەلدەردىڭ وكىلدەرى جوق جەردەن «كەرەمەت جەتىستىكتەردى، تابىستاردى» تاۋىپ الىپ، ونى شەتەلگە جان-جاقتى ناسيحاتتاپ جاتادى. ال ءبىزدىڭ ازاماتتار، ولاردىڭ ىشىندە شوۋ-بيزنەس وكىلدەرى، ءوزىن ءوزى «قوعام بەلسەندىسى» سانايتىن جاستار، ءتىپتى، دەپۋتاتتار دا بار، قازاقستانعا نەشە ءتۇرلى لاقاپ ات قوياتىن بولدى. بۇل ەندى مۇلدەم تۇسىنىكسىز، اقىلعا سىيمايتىن نارسە»، - دەدى مەملەكەت باسشىسى.

Abai.kz