گابريەل گارسيا ماركەستىڭ ايگىلى «ءجۇز جىلدىق جالعىزدىق» رومانىنىڭ جەلىسى بويىنشا تۇسىرىلگەن Netflix سەرياسى بوگوتا قالاسىنداعى El Espectador باسىلىمىنىڭ سىنشىسى گونسالو ماللارينو فلورەستى تاڭعالدىرىپتى.

«Netflix تۇسىرگەن «ءجۇز جىلدىق جالعىزدىق» سەريالىنىڭ العاشقى ەكى ءبولىمىن كورىپ شىقتىم. كولۋمبيالىق نوبەل سىيلىعىنىڭ لاۋرەاتى، ءبىزدىڭ ەڭ ۇلى جازۋشىمىز گابريەل گارسيا ماركەستىڭ ۇلى رومانىنان الىنعان تۋىندى ءساتتى شىققان.

كوز الدىمداعى كوركەم ماكوندو – 50 جىل بويى سانامدا قالىپتاسقان ءدال سول ماكوندو وسى سەريالدا ءوز بەينەسىن تاۋىپتى. حوسە اركاديو («پاتريارح») – ءدال مەن ويىمدا ساقتاعان حوسە اركاديو. ۋرسۋلا (ونىڭ ايەلى) مەن ولاردىڭ بالالارى دا مەن ەلەستەتكەندەي. سول سەكىلدى پيلار تەرنەرا مەن مەلكيادەس تە وزگەرىسسىز كۇيدە ەكەن. ولار مەنىڭ سانامدا قالاي سويلەگەن بولسا، مۇندا دا ءدال سولاي سويلەپ تۇر»، - دەيدى ول.

ونىڭ ايتۋىنشا، ماكوندوداعى جارىق، اعاشتار، جەل، تروپيكالىق ورمان، باتپاق، تەڭىز – بارلىعى كىتاپتا سيپاتتالعانداي. بۇل تۋىندى وعان سول بۇرىنعىداي جاقىن ءارى قىمبات سەزىلەدى.

«وسى سەريالدىڭ رەجيسسەرلەرى – لاۋرا مورا مەن الەكس گارسيا لوپەس تە وسىنداي كوزقاراستا ەكەنىن جاسىرمايمىن. گارسيا ماركەس بۇل ەكرانيزاتسيانى كورسە，قاباعات قۋانىپ قالار ما ەدى، كىم ءبىلسىن»، - دەيدى كولومبيالىق سىنشى اسەرىن جاسىرا الماي.

دۇيسەنالى الىماقىن

Abai.kz