الماتى وبلىسىنىڭ تابيعات قورعاۋ پروكۋراتۋراسى ورمان زاڭناماسىنىڭ ساقتالۋىن تەكسەرۋ بارىسىندا مەملەكەتتىك ورمان قورىنىڭ نىسانالى ماقساتى بويىنشا پايدالانىلمايتىن 44 جەر ۋچاسكەسىن انىقتادى.

ورمان قورىنىڭ ەكوتۋريزمدى جانە ساۋىقتىرۋ قىزمەتىن دامىتۋ ءۇشىن بەرىلگەن ۋچاسكەلەرىن ورمان پايدالانۋشىلار ورتكە قارسى سانيتارلىق نورمالاردى ساقتاماي، سونداي-اق ورمان رەسۋرستارىن ۇتىمدى پايدالانۋعا، قورشاعان ورتانى قورعاۋعا جانە ورمان ەكوجۇيەسىنىڭ ورنىقتى دامۋىن قامتاماسىز ەتۋگە باعىتتالعان ءىس-شارالاردى ورىنداماستان جەكە ماقساتتاردا پايدالاندى.

بۇدان باسقا، اۋىل شارۋاشىلىعى جانۋارلارىنا ءىس جۇزىندە يەلىك ەتپەيتىن جانە اگروونەركاسىپتىك كەشەنگە قاتىسى جوق ادامدارعا ءشوپ شابۋ جانە مال جايۋ ءۇشىن ورمان قورى جەرلەرىن نەگىزسىز بەرۋدىڭ 43 فاكتىسى انىقتالدى.

تەكسەرۋ ناتيجەلەرى بويىنشا اۋدانى 20 مىڭ گەكتاردان اساتىن ورمان قورىن پايدالانۋ بويىنشا 60 شارت بۇزىلدى.

ۋاقتىلى قابىلدانعان شارالار جەردىڭ دەگراداتسياسى مەن شولەيتتەنۋىنە، سونداي-اق ايماقتىڭ بيوالۋانتۇرلىلىگىنىڭ ناشارلاۋىنا اكەلەتىن ورماندى ۇتىمسىز پايدالانۋىنالدىن الدى.

ورمان قورى جەرلەرىن ۇتىمدى پايدالانۋدى قامتاماسىز ەتۋ جونىندەگى جۇمىس جالعاسۋدا.

Abai.kz