2024 جىلدىڭ ءتورتىنشى توقسانىندا قازاقستاندا جۇمىسسىزدار سانى 448,2 مىڭ ادام بولدى. مۇنى 2023 جىلدىڭ سايكەس كەزەڭىمەن سالىستىرعاندا 0,5%-عا كوپ، دەپ حابارلايدى Finprom ورتالىعى.

جۇمىسسىزداردىڭ 211,1 مىڭى ەر ادام، 237,1 مىڭ ايەل. ولاردىڭ ەڭ كوپ سانى الماتى قالاسىندا تىركەلدى: 51,9 مىڭ ادام – ءبىر جىل بۇرىنعىدان 0,4%-عا كوپ. ال ەكىنشى جانە ءۇشىنشى ورىندا تۇركىستان (40,9 مىڭ ادام) جانە الماتى (35,5 مىڭ ادام) وبلىستارى.

جۇمىسسىزدار سانى از وڭىرلەر، ۇلىتاۋ (4,2 مىڭ ادام), سولتۇستىك قازاقستان (13,1 مىڭ ادام) جانە اباي (14,5 مىڭ ادام) وبلىستارى.

جۇمىسسىزدىقتىڭ سەبەبى جۇمىس تابا الماۋ. 2024 جىلى بۇل 112,6 مىڭ قازاقستاندىقتى قامتىدى. وتكەن جىلمەن سالىستىرعاندا 37,9%-عا كوپ.

قالالاردا جۇمىسسىزدىق دەڭگەيى بىردەي – 4,6%. ال اۋىلدىق جەرلەردە ول ءسال جوعارى، ياعني 4,7%.

Trading Economics رەيتينگى بويىنشا جۇمىسسىزدىق دەڭگەيىندە (4,6%) قازاقستان 182 ەلدىڭ اراسىندا 74 ورىنعا يە بولدى. ەڭ تومەنگى جۇمىسسىزدىق دەڭگەيى بەلارۋستە (0,1%), كاتاردا (0,1%), كامبودجادا (0,2%), نيگەردە (0,5%) جانە بۋرۋنديدە (0,9%) تىركەلدى.

ەڭ جوعارى كورسەتكىشتەر وڭتۇستىك افريكادا (32,1%), انگولادا (30,8%) جانە پالەستينادا (30,7%) بايقالدى.

تمد ەلدەرىنىڭ ىشىندە قازاقستان ءتىزىمنىڭ ورتاسىندا. تومەن جۇمىسسىزدىق دەڭگەيى قىرعىزستاندا (1,9%), رەسەيدە (2,3%), مولدوۆادا (3,6%) جانە تۇركىمەنستاندا (4,2%) تىركەلدى.

ازەربايجان (5,6%), وزبەكستان (6,8%), تاجىكستان (6,9%) جانە ۋكراينا (10,5%) ءۇشىن كورسەتكىشتەر جوعارى.

Abai.kz