اقش مەملەكەتتىك دەپارتامەنتى اقش حالىقارالىق دامۋ اگەنتتىگىنە (USAID) جاسالعان رەفورمانىڭ ءبىرىنشى كەزەڭىنىڭ ناتيجەسىن جاريالادى.

بۇل تۋرالى "امەريكا داۋىسى" سايتى حابارلادى. اقش پرەزيدەنتى دونالد ترامپ USAID رەفورماسىن باسقارۋدى مەملەكەتتىك حاتشى ماركو رۋبيوعا تاپسىرعان. ونىڭ ماقساتى "سىرتقى ساياساتتى اكىمشىلىكتىڭ ء"بىرىنشى كەزەكتە امەريكا" دەيتىن باعدارلاماسىنا سايكەستەندىرۋ" دەپ ايتىلدى.

مەملەكەتتىك دەپارتامەنت شەت مەملەكەتتەرگە كومەك كورسەتۋ بويىنشا جالپى سوماسى 15,9 ملرد دوللاردان اساتىن 9 مىڭنان استام گرانتتى باعالاعان.

USAID-ءتىڭ باعالاۋىنشا، جالپى سوماسى 58 ميلليارد دوللارلىق تاعى 6 مىڭنان استام بىرنەشە جىلعا بەرىلگەن گرانت قالىپ وتىر. بولجام بويىنشا، تەكسەرۋ اياقتالعاننان كەيىن جوبالارعا قارجى ءبولۋ كولەمى 92 پايىزعا ازايادى.

"امەريكا داۋىسى" سايتىنىڭ مالىمەتىنشە، USAID ازىق-تۇلىك كومەگى، ايتۆ (ۆيچ), تۋبەركۋلەز جانە بەزگەكتى ەمدەۋگە ارنالعان ءدارى-دارمەكتەر جەتكىزۋ باعدارلامالارىن ساقتاپ قالعان.

Abai.kz