ۇلىتاۋ وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى سوتتالدى.

سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا قوعامداعى زاڭدىلىق پەن ءتارتىپ قاعيداتىن قامتاماسىز ەتۋگە ەرەكشە نازار اۋدارادى.

جەزقازعان قالالىق سوتى وبلىستىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى ومار ءا.، ونىڭ قاراماعىنداعىلار – تىلدەردى دامىتۋ ءبولىمىنىڭ باسشىسى ا. سارباەۆاعا، «وبلىستىق عىلىمي-ادىستەمەلىك ورتالىعى» كمقك باسشىسى گ. جولاشاروۆاعا جانە «تىلدەردى دامىتۋ رەسۋرستىق ورتالىعى» كمم باسشىسى ج. وسپانوۆاعا، سونداي-اق جەكە كومپانيانىڭ وكىلى و. تالعاتقا قاتىستى ۇكىم شىعاردى.

ولار جەزقازعان قالاسىندا 3,9 ملن تەڭگە سوماسىنا مادەني ءىس-شارالاردى ۇيىمداستىرۋ جونىندە قوسىمشا كەلىسىم جاساسۋ ارقىلى لاۋازىمدىق وكىلەتتىكتەرىن تەرىس پايدالانعانى ءۇشىن كىنالى دەپ تانىلدى.

سوت ۇكىمىمەن ومار 6 جىل 6 ايعا باس بوستاندىعىنان ايىرىلسا، ونىڭ قاتىسۋشىلارىنا 1 جىلعا باس بوستاندىعىن شەكتەۋ تۇرىندەگى جازا تاعايىندالدى.

سونىمەن قاتار، سوتتالعاندارعا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويى تىيىم سالىندى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدءى.

Abai.kz