باتىس قازاقستان وبلىسىنىڭ پروكۋراتۋراسى كامەلەتكە تولماعانداردىڭ قۇقىقتارىن قورعاۋعا باعىتتالعان شارالاردى تۇراقتى تۇردە قابىلداۋدا.

وسىلايشا، وبلىستىق پروكۋراتۋرانىڭ قولداۋىمەن 2023 جىلى ءبىلىم بەرۋ ۇيىمدارىندا «Komek Stop Bulling» پلاتفورماسى ەنگىزىلدى، ول قازىرگى ۋاقىتتا رەسپۋبليكانىڭ 10 وبلىسىندا ءساتتى جۇمىس ىستەيدى.

بۇل پلاتفورما بالالارعا (سونىمەن قاتار ولاردىڭ اتا-انالارىنا) وزدەرىنە قارسى بارلىق زاڭسىز ارەكەتتەر تۋرالى ەركىن حابارلاۋعا مۇمكىندىك بەردى.

مىسالى، 2024 جىلى جۇيەگە بەلگىسىز بىرەۋلەر ايماقتاعى كوللەدج ستۋدەنتتەرىنەن قورقىتىپ الۋ ارقىلى اقشا بوپسالاعانى تۋرالى ءانونيمدى حابارلاما كەلىپ ءتۇستى.

سونىڭ سالدارىنان قورقىتىپ الۋعا قاتىسى بار ءبىر توپ جاستار انىقتالدى.

قازىرگى ۋاقىتتا قىلمىستىق ءىس قازاقستان رەسپۋبليكاسى قىلمىستىق كودەكسىنىڭ 194-بابىنىڭ 2-بولىگى بويىنشا سوتقا جولداندى.

2024 جىلى پروبلەمالار تۋىنداعان جاعدايدا قوسىمشا جاڭا باتىرمامەن (#بىزبىرگە) تولىقتىرىلدى، ول ارقىلى بالالار كۇننىڭ كەز كەلگەن ۋاقىتىندا پسيحولوگپەن تىكەلەي بايلانىسا الادى (شاقىرۋ ءنومىرى 1301).

قازىردىڭ وزىندە 20-دان استام ادامعا كومەك كورسەتىلدى (وقۋ پروبلەمالارى، ومىردەگى ماقساتتىڭ جوقتىعى، قۇرداستارىمەن قارىم-قاتىناس جانە ت.ب. ماسەلەلەر بويىنشا).

ماسەلەن، قاراشا ايىندا ءبىر ايەل بالالارىن تاستاپ، قارىزىنا بايلانىستى ءوز-وزىنە قول جۇمساعىسى كەلگەنى تۋرالى جۇيەگە حابارلاسقان.

تەلەفون ارقىلى وعان دەر كەزىندە پسيحولوگيالىق كومەك كورسەتۋ ناتيجەسىندە ول ونداي نيەتىنەن باس تارتتى.

وبلىستىق پروكۋراتۋرا زاڭنىڭ بۇزىلعانى تۋرالى حابارلاۋ جانە كەز كەلگەن ۋاقىتتا كومەك الۋ ءۇشىن اتالعان جۇيەگە حابارلاسۋعا بولاتىنىن ەسكە سالادى.

Abai.kz