ناۋرىز مەيرامى قارساڭىندا قاراعاندى وبلىسىندا جۇزدەگەن وتباسى جاڭا پاتەر الادى.

العاشقى وتباسىلار ءوز ۇيلەرىنە قونىستاندى، بارلىعى 389 وتباسى جاڭا تۇرعىن ءۇيدىڭ كىلتىن الادى.

بالقاشتا «ناۋرىزناما» ونكۇندىگىنىڭ قايىرىمدىلىق كۇنى اياسىندا 15 جاڭا پاتەر كوپ بالالى انالارعا، از قامتىلعان وتباسىلارعا جانە مۇگەدەك ادامدارعا بەرىلدى.

سۋرەت: قاراعاندى وبلىسى اكىمدىگىنىڭ ءباسپاسوز قىزمەتىنەن الىندى.

ساران قالاسىندا 110 وتباسى جانا پاتەر كىلتتەرىن الدى. ولاردىڭ ىشىندە جەتىم بالالار، كوپبالالى وتباسىلار جانە الەۋمەتتىك وسال توپتاردىڭ وكىلدەرى بار. بۇل پاتەرلەر مەملەكەتتىك باعدارلاما بويىنشا قۇرىلىس سالۋشىدان ساتىپ الىندى.

سۋرەت: قاراعاندى وبلىسى اكىمدىگىنىڭ ءباسپاسوز قىزمەتىنەن الىندى.

— ناۋرىز ايىندا جاقسىلىقپەن ءبولىسۋ، سىيلىقتار جاساۋ ادەتكە اينالعان. مۇنداي مەرەكە قارساڭىندا پاتەردىڭ كىلتتەرىن العانىمىز ءبىز ءۇشىن ۇلكەن باقىت، - دەيدى ساران قالاسىنىڭ تۇرعىنى، جالعىزباستى انا ساليكوۆا ءمولدىر.

سۋرەت: قاراعاندى وبلىسى اكىمدىگىنىڭ ءباسپاسوز قىزمەتىنەن الىندى.

جاڭا پاتەرلەردىڭ كىلتتەرىن تاپسىرۋ الداعى كۇندەرى دە جالعاسادى. 19 ناۋرىزدا قاراعاندىدا 180 وتباسى قونىس تويىن تويلاپ، 20 ناۋرىزدا بۇقار جىراۋ اۋدانىنىڭ دوسكوي كەنتىندە 60 وتباسىعا پاتەر كىلتتەرى تاپسىرىلادى، ال 21 ناۋرىزدا تاعى 24 وتباسى نۇرا اۋدانىندا جاڭا تۇرعىن ءۇي يەگەرى بولادى.

قاراعاندى وبلىسى اكىمدىگىنىڭ سايتى

Abai.kz