الماتىدا «تازا قازاقستان» رەسپۋبليكالىق باعدارلاماسى اياسىندا وتكىزىلەتىن «الماتى – ءبىزدىڭ ورتاق ءۇيىمىز» ەكولوگيالىق ناۋقانىنىڭ ەكىنشى اپتاسىنىڭ قورىتىندىسى شىعارىلدى.

ناۋقاننىڭ ەكىنشى اپتاسى 10-16 ناۋرىز ارالىعىندا «تازا ساياباقتار مەن سكۆەرلەر» ۇرانىمەن ءوتتى جانە ساياباقتاردى، سكۆەرلەردى، وزەن جاعالاۋلارىن تازالاۋعا، سونداي-اق ارىقتاردى تازارتۋعا، اباتتاندىرۋدىڭ جاڭا ەلەمەنتتەرىن ورناتۋعا باعىتتالدى.

اكتسيامەن قالانىڭ 445 ساياباعى مەن سكۆەرلەرى، سونداي-اق ەسەنتاي، كىشى الماتى، قارعالى، بورالداي، اقساي، جاربۇلاق، تىكساي، قاراسۋ، ەرەمەنساي، تاستىبۇلاق، كەرەڭ قۇلاق وزەندەرىنىڭ جاعالاۋلارى، بەكەنباي، ابىلعازى، بوتبايساي، شىبىنساي، تەرىسبۇلاق، بەدەلباي، اۋەجاي، ۇاك، م2 جانە م1 كانالدارى قامتىلدى.

سۋرەت: الماتى قالاسى اكىمدىگىنىڭ ءباسپاسوز قىزمەتىنەن الىندى.

اپتا ىشىندە قالانىڭ بارلىق اۋداندارىندا اتاقتى ادامداردىڭ قاتىسۋىمەن اۋقىمدى سەنبىلىكتەر ۇيىمداستىرىلدى. «الماتى - ءبىزدىڭ ورتاق ءۇيىمىز» ناۋقانىنا قر ەڭبەك سىڭىرگەن ءارتىسى ەرلان كوكەەۆ، «الماتى اۋەندەرى» شىعارماشىلىق بىرلەستىگىنىڭ ءسوليسى گاريفا يگيسينوۆا، «مۋزارت Life» توبى، «الاتاۋ» ءداستۇرلى ونەر تەاترىنىڭ جانە قازاق مەملەكەتتىك تسيركىنىڭ ارتىستەرى، «Nomad Stunts» كاسكادەرلىك كومانداسىنىڭ وكىلدەرى قوسىلدى.

سۋرەت: الماتى قالاسى اكىمدىگىنىڭ ءباسپاسوز قىزمەتىنەن الىندى.

سونداي-اق، اپتا اياسىندا 2024 جىلعى پاريجدەگى وليمپيادا ويىندارىنىڭ وليمپيادا جۇلدەگەرلەرى ناريمان قۇربانوۆ، گۋسمان قىرعىزباەۆ جانە الەكساندرا لە قاتىسقان ەكولوگيالىق اكتسيا - پلوگگينگ وتكىزىلدى.

وليمپيادا چەمپيونى دميتري ءبالانديننىڭ جانە بەي-جاي قارامايتىن تۇرعىنداردىڭ قاتىسۋىمەن تەررەنكۋر وزەنىنىڭ بويىندا اۋقىمدى تازالاۋ جۇمىستارى جۇرگىزىلدى.

سۋرەت: الماتى قالاسى اكىمدىگىنىڭ ءباسپاسوز قىزمەتىنەن الىندى.

بۇدان وزگە، 250-دەن استام ادام ساق قورعاندارى اۋماعىنداعى، سونداي-اق حودجانوۆ پەن بايقاداموۆ اراسىنداعى جاروكوۆ كوشەسىندە ورنالاسقان «يۋجنىي» ساياباعىنداعى اۋقىمدى سەنبىلىككە  قاتىستى. سەنبىلىككە الماتى قوعامدىق كەڭەسىنىڭ مۇشەلەرى دە قوسىلدى.

«قاسبەتتەن قاسبەتكە دەيىن» كەشەندى اكتسياسىن وتكىزۋ جالعاسۋدا، ونىڭ بارىسىندا مەردىگەر ۇيىمدار سانيتارلىق تازالاۋدى، قوقىستى شىعارۋدى ورىندادى. اپتا ىشىندە قالانىڭ 66 كوشەسى تازاردى، 1 910 ايالداما پاۆيلوندارىن، 575 باعدارشام نىساندارىن، 2 مىڭنان استام جول بەلگىلەرىن جۋ جۇمىستارى جۇرگىزىلدى.

سۋرەت: الماتى قالاسى اكىمدىگىنىڭ ءباسپاسوز قىزمەتىنەن الىندى.

قالانىڭ سانيتارلىق جاعدايىن جاقسارتۋ ءۇشىن گاندي ساياباعىندا 1 900-دەن استام كوشەگە، «مەدەۋ» بسك جانە «شىمبۇلاق»، «اتاكەنت»، تەررەنكۋر كقو ۋرنالار قويىلدى.

ناۋقان اياسىندا «مەيىرىمدى قاقپاقشا» اكتسياسى باستالدى، ونى وتكىزۋ ءۇشىن 166 قۇرىلتاي قۇرىلىمدارىندا پلاستيكالىق قاقپاقتاردى جيناۋعا ارنالعان ورىندار ورناتىلدى.

سونىمەن قاتار، كاسىپكەرلىك سۋبەكتىلەرىمەن اباتتاندىرۋ پاسپورتتارىن رەسىمدەۋ جۇمىستارى جالعاسۋدا. بۇگىنگى تاڭدا 5603 پاسپورت رەسىمدەلدى.

ايتا كەتەيىك، 17 ناۋرىزدان باستاپ «تازا اۋلالار» ناۋقانىنىڭ ءۇشىنشى اپتاسى باستالدى. جالپى، «الماتى-ءبىزدىڭ ورتاق ءۇيىمىز» ناۋقانى 1 ساۋىرگە دەيىن جالعاسادى. وسى ۋاقىت ىشىندە بارلىق قالالىق ينفراقۇرىلىمدى، 4 مىڭنان استام اۋلا اۋماعىن رەتكە كەلتىرۋ، قالانىڭ 445 ساياباقتارى مەن سكۆەرلەرىن، وزەندەردىڭ جاعالاۋلارىن تازالاۋ، 12 مىڭ بىرلىككە دەيىن ۆاندالعا قارسى كوشە ۋرنالارىن ورناتۋ، 600-دەن استام زاڭسىز ورناتىلعان سەسن-ىن بولشەكتەۋ، 5 مىڭ اعاش پەن بۇتا وتىرعىزۋ جوسپارلانۋدا.

Abai.kz