بيىلعى جىلدىڭ 18 اقپانىندا ءماجىلىس دەپۋتاتى، "اق جول" دەموكراتيالىق پارتياسىنىڭ توراعاسى ازات پەرۋاشەۆ حالىق جازۋشىسى، قوعام قايراتكەرى قابدەش ءجۇمادىلدىڭ 90 جىلدىق مەرەيتويىن جوعارى دەڭگەيدە اتاپ وتكىزۋدى ۇسىنعان ەدى.

- قابدەش ءجۇمادىل بارلىق شىعارمالارىندا ۇلتىن ۇلىقتاپ، ءتىلىمىز بەن ءدىنىمىز ءۇشىن باسىن بايگەگە تىگىپ، تاريحىمىزدى قارا كۇيەدەن تازارتىپ، ەلدىك رۋحىمىزدى كوتەرۋ جولىندا جاساعان جانكەشتى ەڭبەگىن مويىنداعانىمىز ءجون.سونىمەن قاتار ول تەك جازۋشى عانا ەمەس، سونداي-اق ۇلت تاعدىرىنا ەرەكشە ۇلەس قوسقان قايراتكەر ەدى، - دەلىنگەن دەپۋتاتتىق ساۋالدا.

مادەنيەت جانە اقپارات مينيسترلىگىنىڭ اقپاراتىنا سايكەس، جازۋشىنىڭ 90 جىلدىق مەرەيتويىن اتاپ ءوتۋ ءۇشىن ەلىمىزدىڭ بارلىق وڭىرلەرىنىڭ مادەنيەت وشاقتارى مەن ءبىلىم بەرۋ ۇيىمدارىندا تانىمدىق ساعاتتار، ادەبي جانە شىعارماشىلىق كەشتەر، دوڭگەلەك ۇستەلدەر، كىتاپ كورمەلەرى، عىلىمي كونفەرەنتسيالار، ادەبي وقۋلار، تاربيە ساعاتتارى، وقىرمان كونفەرەنتسيالارى، كىتاپ وقۋ كونكۋرستارى، جازۋشى پورترەتتەرى، بۇقارالىق اقپارات قۇرالدارىندا ماقالالار مەن ەستەلىك باسىلىمداردى جاريالاۋ بويىنشا 84 ءىس-شارا ۇيىمداستىرىلاتىن بولادى.

Abai.kz