تالىپتەر شاحماتتى «قۇمار ويىندار» قاتارىنا قوستى. وسىلايشا اۋعانستاندا شاحمات ويناۋعا رەسمي تۇردە تىيىم سالىندى.

سپورت دەپارتامەنتىنىڭ وكىلدەرى، شاحمات 2024 جىلى تاليبان قابىلداعان «ىزگىلىكتى ناسيحاتتاۋ جانە جاماندىقتىڭ الدىن الۋ تۋرالى زاڭعا» سايكەس تىيىم سالىنعان قۇمار ويىندار ساناتىنا جاتادى.

بۇل قادام رەجيم 2021 جىلى بيلىككە ورالعاننان بەرى جۇيەلى تۇردە جۇرگىزىپ كەلە جاتقان قۇقىقتار مەن بوستاندىقتاردى شەكتەۋ ساياساتىنىڭ جالعاسى بولدى.

بۇعان دەيىن اۋعانستاندا مۋزىكا، كينو، ايەلدەر ءبىلىمى جانە ايەلدەردىڭ قوعامدىق ومىرگە قاتىسۋىنا تىيىم سالىنعان بولاتىن.

ال يران، ساۋد ارابياسى جانە بىرىككەن اراب امىرلىكتەرىن قوسا العاندا، باسقا مۇسىلمان ەلدەرىندە شاحماتقا رۇقسات ەتىلىپ قانا قويماي، مەملەكەتتىك دەڭگەيدە بەلسەندى قولداۋ كورسەتىلەدى.

Abai.kz