قازاقستان رەسپۋبليكاسى مادەنيەت جانە اقپارات مينيسترلىگى ءدىن ىستەرى كوميتەتىنىڭ قولداۋىمەن ا.ج. 12-16 مامىر ارالىعىندا رەسپۋبليكالىق اقپاراتتىق-ءتۇسىندىرۋ توبى مۇشەلەرى اقتوبە وبلىسىنا ءىس-ساپارعا باردى.  

اتالعان ءىس-ساپاردىڭ ماقساتى حالىقتىڭ دىنتانۋلىق ساۋاتتىلىعىن ارتتىرۋ جانە ءدىني ەكسترەميزمنىڭ الدىن الۋ، ءدىن سالاسىنداعى مەملەكەتتىك ساياساتتى ءتۇسىندىرۋ، قوعامدا ءتۇسىندىرۋ جۇمىسىن جۇرگىزۋ جانە دەسترۋكتيۆتى ءدىني يدەيالاردىڭ تارالۋىن الدىن الۋ.  

وبلىستا جالپى سانى 20 ءىس-شارا ۇيىمداستىرىلىپ، 400-دەن استام ادام قامتىلدى.  

اتالعان ءىس-شاراعا: جانشين نۇرسۇلتان بەرىكۇلى – استانا قالاسى اكىمدىگىنىڭ دىندەردى زەرتتەۋ ورتالىعىنىڭ ءبولىم باسشىسى،  ساندىباەۆ جالعاس سادۋاحاسۇلى – م. نارىكباەۆ اتىنداعى ۋنيۆەرسيتەتى يسلام جانە قازاق قۇقىعى ورتالىعى ديرەكتورىنىڭ ورىنباسارى،  رازاقوۆ نۇرمۇحاممەت ءشامشىۇلى – «العا اۋداندىق ءدىن ماسەلەلەرى جانە قوعاممەن بايلانىس جونىندەگى ورتالىعى» كمم پسيحولوگ مامانى، سارسەنبين ۇمبەتحان قۋاندىقۇلى – ق. جۋبانوۆ اتىنداعى اقتوبە وڭىرلىك ۋنيۆەرسيتەتى قازاقستان حالقى اسسامبلەياسى جانە الەۋمەتتىك-ساياسي پاندەر كافەدرا مەڭگەرۋشىسى.  

ءتۇسىندىرۋ توبىنىڭ مۇشەلەرى اقتوبە وبلىسى اۋماعىندا اسكەري مەكەمەلەر، مەكتەپ، جوو مەن كوللەدج بازاسىندا بولدى. ولار حالىق اراسىندا «قوعامدا دىنتانۋلىق ساۋاتتىلىقتىڭ ماڭىزدىلىعى»، «تەرروريستىك، ءدىني ەكسترەميستىك جانە دەسترۋكتيۆتىك ءىس-ارەكەتتەرگە كوزدەلگەن قۇقىقتىق جاۋاپكەرشىلىك»، «دەسترۋكتيۆتى يدەولوگياعا قارسى توتەپ بەرۋ داعدىلارى» جانە ت. ب. تاقىرىپتاردا ءتۇسىندىرۋ جۇمىستارىن جۇرگىزدى. 

ءىس-ساپار بارىسىنداعى اقپاراتتىق-ءتۇسىندىرۋ جۇمىستارى اياسىندا جوو مەن كوللەدج ستۋدەنتتەرى مەن مۇعالىمدەرى، مەكتەپ مۇعالىمدەرى مەن وقۋشىلار، سپورتشىلار، مەديتسينا مەن اسكەري جۇمىسشىلار، جۇمىسسىزدار  جانە ت.ب. توپتار قامتىلدى. 

Abai.kz