شىمكەنتتەگى شۋلى ءىس: جەمقورلىقتى اشكەرەلەگەن ۇقك وفيتسەرى كىم؟ ول نە ءۇشىن سوتتالۋدا؟

قازىر ەل ىشىندە «شەرزات سوتى» دەپ اتالىپ كەتكەن تالعارداعى قاندى وقيعاعا قاتىستى سوت وتىرىسىنان بولەك، اۋقىمدى دا، ماڭىزدى تاعى ءبىر ۇلكەن سوت پروتسەسسى  جۇرىپ جاتىر. ول – قر ۇلتتىق قاۋىپسىزدىك كوميتەتىنىڭ شىمكەنت قالاسى بويىنشا دەپارتامەنتى باستىعىنىڭ بۇرىنعى ءبىرىنشى ورىنباسارى مانات سارباسوۆ ءىسى.

وسىعان دەيىن قازاقستاننىڭ اقپارات كەڭىستىگىندەگى بىرقاتار ءورىستىلدى باق-تا سارباسوۆ سوتىنا قاتىستى بىرسىدىرعى ماتەريالدار جاريالاندى. اسىرەسە، «orda.kz»، «time.kz» سەكىلدى اقپارات قۇرالدارى م. سارباسوۆ سوتىنان ماتەريالدار جازىپ تاراتتى.

سارباسوۆ ءىسى: ارىزدانۋشى كىم، ايىپتالۋشى كىم؟

ودان بەلگىلىسى – سارباسوۆ ءىسى بويىنشا سوت پروتسەسى اشىق ءوتىپ جاتقاندىقتان، وعان باق وكىلدەرىنىڭ قاتىسىپ، حابار تاراتۋعا قۇقى بار. جۋىردا ءبىزدىڭ رەداكتسيامىزعا مانات سارباسوۆتىڭ تۋىستارى حابارلاسىپ، باق-تا بىرجاقتى قارالاۋ اقپاراتتارىنىڭ شىعىپ جاتقانىن ايتىپ، مىنبەر سۇرادى.

سوت پروتسەسى مەن م.سارباەۆقا تاعىلعان ايىپتار تۋرالى مالىمەتتەر ۇسىندى. ول بويىنشا: 2023 جىلدىڭ 11 قازانىندا م.سارباەۆقا قاتىستى قر قك 366 بابى، 4 تارماعى بويىنشا قىلمىستىق ءىس قوزعالعان. ول دەگەنىڭىز – اسا ءىرى كولەمدە پارا الۋ ايىبى.

بۇل قىلمىستىق ءىستىڭ قوزعالۋىنا سەبەپ بولعان – ەلميرا دۇيسەنقىزى دەيتىن ازاماتشانىڭ ارىزى.

م.سارباسوۆتىڭ تۋىستارىنىڭ ۇسىنعان مالىمەتتەرىنە كوز جۇگىرتسەك، ەلميرا دۇيسەنقىزى «2019 جىلى ءوزىنىڭ «ريانا» دەيتىن مەكتەبىنە بالالاردى وقىتۋ ءۇشىن مەملەكەتتەن تولەنەتىن تولەمدى ۇلعايتۋ بويىنشا قۇجاتتاردى قر ءبىلىم مينيسترلىگىنىڭ بازاسىنا ەنگىزۋ ءۇشىن سارباسوۆقا 60 ملن تەڭگە بەرگەنىن» العا تارتقان. كەيىن دۇيسەنقىزى سارباسوۆقا الدانعانىن ايتىپ، اقشانى قايتارۋدى تالاپ ەتىپ، 15 ملن تەڭگەنى سارباسوۆتان قايتارىپ العانىن ايتقان.

تەرگەۋ ەشقانداي دالەل تاپپاعان ءىس

بۇل ارىز-شاعىم بويىنشا قر ۇقق ارنايى تەرگەۋ توبىن قۇرعان. وعان كۇزەمباەۆ ە. باسشىلىق ەتكەن. تەرگەۋ توبىنىڭ قۇرامىندا 4 تەرگەۋشى مەن ۇقق-نىڭ  ىشكى قاۋىپسىزدىك قىزمەتىنىڭ 7 جەدەل ۋاكىلى بولعان.

الايدا، تەرگەۋ توبى اتالعان ايىپ بويىنشا بىردە-ءبىر ناقتى دالەل تابا الماعان. تەرگەۋ ناتيجەلەرى قىلمىستىق ىسكە رەسمي تىركەلگەن. وسىلايشا، دۇيسەنقىزىنىڭ جازعان ايىبىن تەرگەۋ توبى راستاي الماعان. دەسە دە، سوت ءىسى توقتاتىلماعان.

سارباسوۆتىڭ قورعاۋشىلارىنىڭ ايتۋىنشا، دۇيسەنقىزى ە. 2023 جىلدىڭ 14-15 قازانىندا بەرگەن جاۋابىندا «ءوزىن سارباسوۆتىڭ «ريانا» مەكتەبىندە بيۋدجەت قاراجاتىن جىمقىرۋعا يتەرمەلەگەنىن، «جوق» بالالاردى (وقۋشىلار) ەسەپكە ەنگىزۋ ارقىلى، مەملەكەتتەن اقشا الىپ، سول اقشادان ۇلەس الىپ وتىرعانىن» ايتقان. دۇيسەنقىزى بۇل جاۋاپتارىن 2025 جىلعى سوت وتىرىسى كەزىندە دە قايتالاعان.

ۇسىنعان مالەمەتتەرگە قاراعاندا، دۇيسەنقىزىنىڭ ءوزى 2022 جىلدىڭ ماۋسىمىندا «ريانا» مەكتەپبىنە قاتىستى مەملەكەتتىك تاپسىرىس قارجىسىن جىمقىرۋ بويىنشا سوتتى بولىپ، شىمكەنت قالاسىنىڭ ءال-فارابي اۋداندىق سوتىنىڭ ۇكىمىمەن كىنالى دەپ تانىلعان. وعان بيۋدجەتتىڭ 280 ملن تەڭگەسىن جىمقىردى دەگەن ايىپ تاعىلعان. ول كەلتىرىلگەن شىعىن سوماسىن وتەۋ ارقىلى بوستاندىققا شىققان.

كەيىن ارىزدانۋشى دۇيسەنقىزى سارباسوۆقا بەرگەن اقشانىڭ جالپى سوماسى اۋەلدەگىدەي 60 ملن تەڭگە ەمەس، 70 ملن تەڭگە ەكەنىن ايتقان. 2019-2020 جىلدارى دۇيسەنقىزى اي سايىن سارباسوۆقا «ريانا» مەكتەبىنە مەملەكەتتىك تاپسىرىس كولەمىن ۇلعايتۋعا كومەكتەسكەنى ءۇشىن ۇلەس بەرىپ وتىرعانىن ايتقان.

الايدا، 3 اي بويى (2023 جىلدىڭ قاراشاسىنان 2024 جىلدىڭ قاڭتارىنا دەيىن) جۇرگەن تەرگەۋ كەزىندە سارباسوۆتىڭ اقشا العانىن دالەلدەيتىن فاكتىلەر انىقتالماعان.

شىمكەنت قالاسى ءبىلىم باسقارماسىنىڭ وكىلدەرى مەن كونكۋرستىق كوميسسيا مۇشەلەرى تەرگەۋ كەزىندە 2019 جىلى سارباسوۆتىڭ «ريانا» مەكتەبىنە مەملەكەتتىك تاپسىرىس كولەمىن ۇلعايتۋ ءىسى بويىنشا ەش قاتىسى بولماعانىن ايتقان.

ال 2024 جىلى كۇزەمباەۆ سارباسوۆقا قاتىستى ءىستى تاعى ءبىر كۇدىكتى ارناعا بۇرادى. دالىرەك ايتقاندا، كۇزەمباەۆ سارباسوۆقا قاتىستى ءىستى قر قك 366 بابى، 4 تارماعىنا بۇرادى. دۇيسەنقىزىنان جاۋاپ الۋ كەزىندە «ريانا» جەكەمەنشىك مەكتەبى بويىنشا م.سارباسوۆتى ايىپتاۋلارى ەش دالەلسىز بولعاندىقتان كۇزەمباەۆ قوسىمشا تاعى ءىس اشادى. ول بويىنشا دۇيسەنقىزى ءوزىنىڭ مەنشىگىندەگى «وڭتۇستىك قازاقستان گۋمانيتارلىق-قارجى كوللەدجىنە» جانە باسقا دا كاسىپتەرىنە «قورعان» بولعانى ءۇشىن 2007 جىلدان باستاپ اي سايىن م.سارباسوۆتىڭ اقشا الىپ تۇرعانىن ايتادى.

بۇل ايىپتاۋ بويىنشا: دۇيسەنقىزى 2007-2020 جىل ارالىعىندا م.سارباسوۆقا 365 ملن تەڭگە پارا بەرىپتى. ارينە، مۇنى دالەلدەيتىن بىردە-ءبىر فاكت جوق. مۇنداي جاعدايدا تەرگەۋشى اتالعان ايىپتاۋ بويىنشا قىلمىستىق قۋدالاۋدى توقتاتۋتۋرالى قاۋلى ەنگىزۋى كەرەك بولعان. الايدا كۇزەمباەۆ اتالعان قىلمىستىق ءىستى نە جاپپايدى، نە قىسقارتپايدى، نە بۇل بويىنشا ايىپتاۋ اكتىسىنە ەنگىزبەيدى.

دۇيسەنقىزىنىڭ ارىزى بويىنشا، 2018 جىلى وڭتۇستىك قازاقستان وبلىسى تەرريتوريالىق-اكىمشىلىك بولىنىسكە ءتۇستى، كوللەدج تۇركىستان وبلىسى اۋماعىندا قالىپ قويعاندا دا ە.دۇيسەنقىزى شىمكەنت دەپارتامەنتىندە جۇمىس ىستەيتىن م.سارباسوۆقا اي سايىن «پارا بەرىپ» تۇرىپتى-مىس.

اشىق سوت پروتسەسسى

ءبىزدىڭ رەداكتسيا اشىق سوت پروتسەسسىنە قاتىسىپ، ءىستىڭ ءمان-جايىن باقىلادى. سوت پروتسەسسى اشىق ءوتىپ جاتقاندىقتان، وعان وزگە دە باق رەداكتسيالارى قاتىسقان.

سوت پروتسەسى بويىنشا ايىپتاۋشى پروكۋروردان پىكىر سۇراعان ەدىك، اتالعان ءىس بويىنشا قازىر ەشقانداي پىكىر بىلدىرمەيتىنىن ايتتى.

ال سوت پروتسەسى سارباسوۆ تارابىنىڭ قالاۋى بويىنشا، القابيلەردىڭ قاتىسۋىمەن وتۋدە. ءبىز سوت توراعاسىنان اتالعان پروتسەستەگى ماتەريالداردى نەگىز ەتە وتىرىپ، كۋاگەرلەردىڭ سوتتا ايتقان مالىمەتتەرىن باق-تا جاريالاۋعا رۇقسات سۇرادىق. سوت توراعاسى سوت پروتسەسىندەگى ماتەريالدار جاريالانبايتىنىن كەسىپ ايتتى.

وسى رەتتە ءبىز ارىزدانۋشى ەلميرا دۇيسەنقىزىنىڭ وزىنەن دە پىكىر سۇرادىق. ءوزىنىڭ شارشاپ تۇرعانىن ايتىپ، پىكىر بىلدىرۋگە كەلىسپەدى. دەسە دە، دۇيسەنقىزى سوت پروتسەسىندە بەرگەن جاۋاپتارى باق-تا جاريالانعانىن ايتتى.

جوعارىدا ايتقانىمىزداي، سوت توراعاسى سوت پروتسەسى كەزىندەگى ايتىلعان مالىمەتتەر مەن جاۋاپ بەرۋشىلەردىڭ جاۋاپتارى جاريالانبايتىنىن ەسكەرتكەن. سوندا دۇيسەنقىزىنىڭ جاۋاپتارى باق-تا قالاي جاريالاندى دەگەن زاڭدى سۇراق تۋىندايدى.

وسىدان سوڭ ءبىز سارباسوۆتىڭ قورعاۋشىلارىنان پىكىر سۇرادىق.

قورعاۋشى: سارباسوۆقا نەگىزسىز ايىپ تاعىلىپ وتىر...

بولات يزباسحانوۆ، قورعاۋشى:

– قازىرگى تاڭدا شىمكەنت قالاسىنىڭ قىلمىستىق ىستەر جونىندەگى مامانداندىرىلعان سوتىندا سارباسوۆ مانات ومارحانۇلى مەن وزگەلەرگە قاتىستى سوت پروتسەسى ءوتىپ جاتىر. بۇل سوت وتىرىسىنىڭ ەرەكشەلىگى – ايىپتالۋشىلاردىڭ ءبىرى قازاقستان رەسپۋبليكاسى ۇقك-ءنىڭ شىمكەنت قالاسى بويىنشا دەپارتامەنتى باستىعىنىڭ بۇرىنعى ورىنباسارى م. سارباسوۆتىڭ سوتتالۋشىلار قاتارىندا بولۋى.

قورعاۋ تاراپىنىڭ پىكىرىنشە، م. سارباسوۆقا اسا ءىرى كولەمدە پارا الۋ دەرەگى بويىنشا نەگىزسىز ايىپتالىپ وتىر. سەبەبى، قىلمىستىق ءىس ماتەريالدارىنا سايكەس، تەرگەۋ بارىسىندا جينالعان دالەلدەمەلەر تەك ءبىر كۋا — وسى ىسكە قاتىستى ارىزدانۋشى ەلميرا دۇيسەنقىزىنىڭ جاۋابىنا عانا نەگىزدەلگەن.

ايتا كەتەتىن جايت، دۇيسەنقىزى بۇعان دەيىن اسا ءىرى كولەمدەگى الاياقتىق ارەكەتتەرى مەن مەملەكەت قارجىسىن جىمقىرۋ فاكتىلەرى بويىنشا ەكى رەت سوتتى بولعان. ول سوت ۇكىمىمەن باس بوستاندىعىنان ايىرىلىپ، كەلتىرىلگەن زالالدى وتەۋىنە بايلانىستى مەرزىمىنەن بۇرىن بوساتىلعان.

ءىس ماتەريالدارىنا سايكەس، تەرگەۋ ورگاندارى باسقا كۋالاردىڭ دە جاۋاپتارىن جوعارىدا اتالعان كۋا — دۇيسەنقىزىنىڭ سوزىنە سايكەستەندىرىپ العان. بۇل — تەرگەۋدىڭ بىرجاقتى، ايىپتاۋ باعىتىمەن جۇرگىزىلگەنىنىڭ ايقىن دالەلى.

قالىپتاسقان قۇقىقتىق تاجىريبەگە سايكەس، وسىنداي ىستەردە باستى دالەلدەمەلەر قاتارىندا ايىپتالۋشىعا قاتىستى جۇرگىزىلگەن جاسىرىن تەرگەۋ ارەكەتتەرى مەن ولاردىڭ ناتيجەلەرى — ياعني، اۋديو جانە بەينەجازبالار بولىپ تابىلادى. مۇنداي جازبالار بويىنشا جۇرگىزىلگەن كەشەندى سوت-فونوگرافيالىق جانە فيلولوگيالىق ساراپتاما ناتيجەسىندە، ەگەر ايىپتالۋشىنىڭ سوزدەرىنەن زاڭسىز ارەكەتتەردى دالەلدەيتىن ماعىنالىق كومپونەنتتەر انىقتالسا عانا، ول تۇلعانىڭ كىناسى دالەلدەنگەن دەپ تانىلادى.

الايدا، ءبىر جىلدان استام ۋاقىتقا سوزىلعان تەرگەۋ بارىسىندا م. سارباسوۆقا قاتىستى جۇرگىزىلگەن جاسىرىن تەرگەۋ شارالارى ناتيجەسىندە وسىنداي زاڭسىزدىقتى دالەلدەيتىن ەشقانداي دەرەك انىقتالماعان. كەرىسىنشە، دۇيسەنقىزى ەكەۋىنىڭ كەزدەسۋىندە ول اقشا بەرۋگە قاتىستى ارانداتۋ ماقساتىنداعى اڭگىمە قوزعاعانىمەن، م. سارباسوۆ: «ءسىز نە دەپ تۇرسىز، نە تۋرالى ايتىپ جاتىرسىز؟» دەپ، اڭگىمەنىڭ ءمانىسىن تۇسىنبەي، بۇل ارانداتۋشىلىق ەكەنىن اڭعارىپ، كەزدەسۋدى توقتاتىپ، سول جەردەن كەتىپ قالعان.

سوعان قاراماستان، تەرگەۋ ورگاندارى م. سارباسوۆتىڭ كىناسىن دالەلدەيتىن نەگىزگى ايعاق رەتىندە دۇيسەنقىزىنىڭ وزگە ادامدارمەن م. سارباسوۆقا اقشا بەرگەنى تۋرالى جۇرگىزگەن جاسىرىن جازبالارىن عانا باسشىلىققا العان.

ماسەلەن، ەگەر بىرەۋ ءبىر لاۋازىمدى تۇلعاعا قاتىستى پارا الادى دەپ ءوزارا اڭگىمە جۇرگىزسە، بۇل سول تۇلعانى پاراقور دەپ ايىپتاۋعا نەگىز بولا المايتىنى بەلگىلى. الايدا، م. سارباسوۆقا قاتىستى قارالىپ جاتقان ءىستىڭ ءدال وسىنداي جاعدايعا ۇقساستىعى كوزگە ۇرىپ تۇر.

بۇدان بولەك، قورعاۋ تاراپىنىڭ انىقتاۋىنشا، م. سارباسوۆتىڭ ادۆوكاتتارى ءوز باستاماسىمەن جۇرگىزگەن ساراپتامالار مەن جيناقتالعان باسقا دا دالەلدەر نەگىزىندە، دۇيسەنقىزى بۇل ىسكە ءوز ەركىمەن ەمەس، ۇقك-ءنىڭ وزىندىك قاۋىپسىزدىك قىزمەتى تاراپىنان باعىتتالعان قىسىممەن تارتىلعانى بەلگىلى بولعان. بۇل دالەلدەمەلەر جاقىن ارادا سوتقا ۇسىنىلماق.

سونىمەن قاتار، سوت وتىرىسىندا كۋا رەتىندە جاۋاپ بەرگەن دۇيسەنقىزىنىڭ تەرگەۋ كەزىندەگى جانە سوتتاعى جاۋاپتارى اراسىندا ايتارلىقتاي الشاقتىقتار مەن قاراما-قايشىلىقتار بار ەكەندىگى انىقتالۋدا. ەگەر ول شىندىقتى ايتقان بولسا، مۇنداي سايكەسسىزدىكتەر بولماس ەدى.

سوتتىڭ ءادىل جانە زاڭدى شەشىم شىعارۋىنا ىقپال ەتۋ ماقساتىندا، م. سارباسوۆتىڭ وتىنىشىمەن ءىس القابيلەردىڭ قاتىسۋىمەن قارالۋدا. ءىس بويىنشا ادىلەتتى، زاڭ تالاپتارىنا ساي سوت ۇكىمى شىعاتىنىنا سەنەمىن.

ءىس ءادىل قارالۋى ءۇشىن القابيلەر سوتىنا جۇگىندىك...

جاسۇلان اسىلبەكوۆ، قورعاۋشى:

– قازىرگى تاڭدا شىمكەنت قالاسىنىڭ اۋداندىق قىلمىستىق سوتىندا م. سارباسوۆقا قاتىستى اسا اۋىر قىلمىس جاسادى دەگەن كۇدىكپەن قىلمىستىق ءىس قارالىپ جاتىر. بۇل ءىستى القابيلەردىڭ قاتىسۋىمەن قاراۋ تۋرالى شەشىم م. سارباسوۆتىڭ ءوزى تاراپىنان بىلدىرىلگەن ءوتىنىش نەگىزىندە قابىلدانعان. ياعني، ول ءوز قۇقىعىن پايدالانىپ، ءىستىڭ جالعىز سۋديا ەمەس، القابيلەردىڭ قاتىسۋىمەن قارالۋىن تالاپ ەتكەن.

جوعارعى سوتتىڭ قىلمىستىق ىستەر بويىنشا دالەلدەمەلەردى باعالاۋ تۋرالى نورماتيۆتىك قاۋلىلارىنا سايكەس، تەك جابىرلەنۋشى نەمەسە كۋاگەردىڭ كورسەتۋلەرى نەگىزىندە ايىپتاۋ ۇكىمى شىعارىلمايدى. مۇنداي مالىمەتتەر باسقا دالەلدەرمەن سايكەستەندىرىلۋى قاجەت.

قازىرگى سوت پروتسەسىندە القابيلەردىڭ قاتىسۋىمەن بىرقاتار كۋاگەرلەردەن جاۋاپ الىنىپ، دالەلدەمەلەر زەردەلەنۋدە. ايتا كەتەرلىگى، نەگىزگى ايىپتاۋدىڭ نەگىزى بولعان باستى كۋاگەردىڭ كورسەتۋلەرى باسقا كۋاگەرلەردىڭ ايتقانىمەن ەلەۋلى تۇردە سايكەس كەلمەي وتىر. مىسالى، وقيعانىڭ ماڭىزدى تۇستارىندا نەگىزگى كۋاگەردىڭ سوزدەرى باسقا كۋاگەرلەرمەن قايشىلىققا تۇسۋدە.

وسىعان بايلانىستى سوت تەرگەۋى جالعاسىپ جاتىر. ءبىز، قورعاۋشى تاراپ رەتىندە، ءوز پوزيتسيامىزعا نىق سەنىمدىمىز. قىلمىستىق ءىس ماتەريالدارىنداعى دالەلدەر مەن كۋاگەرلەردىڭ جاۋاپتارى نەگىزگى كۋاگەردىڭ ايتقاندارىمەن ۇيلەسپەيدى. بۇل جايتتار سوتتا القابيلەردىڭ الدىندا ناقتى تۇردە كورسەتىلەتىن بولادى.

جوعارعى سوتتىڭ نورماتيۆتىك قاۋلىسىنا سايكەس، ايىپتاۋ ۇكىمى شىعۋى ءۇشىن نەگىزگى كۋاگەردىڭ كورسەتۋلەرى باسقا دالەلدەرمەن تولىق ۇيلەسۋى شارت. ال قازىرگى سوت پروتسەسىندە بۇل تالاپ ورىندالىپ وتىرعان جوق. سوندىقتان ءبىز ءوز ۋاجدەرىمىزدى ناقتى دالەلدەرمەن نەگىزدەۋدى جالعاستىرامىز.

قورىتىندى شەشىمدى، ارينە، القابيلەر قابىلدايدى. بىراق ءبىز جۇرگىزىلىپ جاتقان سوت تەرگەۋىنىڭ بارىسىنا قاناعاتتانامىز جانە باسىنان باستاپ كۇمان كەلتىرگەن نەگىزگى كۋاگەردىڭ كورسەتۋلەرىنە قاتىستى دالەلدەرىمىز سوتتا ءوز ورنىن تاۋىپ جاتىر دەپ سەنىمدى ايتا الامىز.

سارباسوۆ ىسىنە يسحاكوۆتىڭ قاتىسى بار ما؟

ءتۇيىن: اتالعان قىلمىستىق ىسكە قاتىستى الەۋمەتتىك جەلىدە پىكىر بىلدىرۋشىلەر دە از ەمەس. ولاردىڭ قاتارىندا بەلگىلى زاڭگەر ايگۇل ورىنبەك، جۋرناليست، بلوگەر وراز الىمبەكتەر بار.

وراز الىمبەك ءوز جازباسىندا: «2022 جىلدىڭ باسىنان باستاپ مانات سارباسوۆ قىزىلوردا وبلىستىق ۇقك دەپارتامەنتى باسشىسىنىڭ ءبىرىنشى ورىنباسارى بولىپ جۇمىس ىستەدى. 2023 جىلدىڭ ءساۋىر ايىندا ول تۋرا سونداي قىزمەت الىپ، شىمكەنت قالاسىنا ورالدى. سول جىلدىڭ جازىندا م.سارباسوۆ باسقارعان ۇقك-ءنىڭ شۇعىل ارەكەت ەتۋ توبى شىمكەنت قالاسىنىڭ اكىمى مۇرات ايتەنوۆتىڭ ورىنباسارى ماقسۇت يساحوۆتى اكىمدىكتەگى بىلىق-شىلىقتى جابۋ ءۇشىن 200 مىڭ دوللار پارا بەرىپ جاتقان كەزىندە ۇستادى. لاۋازىمى جوعارى مۇددەلى شەنەۋنىكتەر م.يساحوۆتىڭ ءىسىن قارجى پوليتسياسىنىڭ تەرگەۋىنە وتكىزۋگە مۇددەلى بولعان. بۇعان م.سارباسوۆ قارسى شىعىپ، م.يساحوۆتىڭ ءىسىن تەرگەۋدى جانە ونى سوتقا جەتكىزۋدى ۇقك-ءنىڭ شىمكەنت دەپارتامەنتىنىڭ قۇزىرىندا الىپ قالدى (2024 جىلدىڭ كوكتەمىندە م.يساحوۆ 8 جىل 5 ايعا سوتتالدى، سونىڭ ارتىنشا پرەزيدەنت ق.توقاەۆ م.ايتەنوۆتى قالا اكىمى قىزمەتىنەن الىپ تاستادى).

«زاماكىم» ماقسۇت يساحوۆ قاماۋعا الىنعان سوڭ، 2023 جىلدىڭ 11 قازانىندا ۇقك-ءنىڭ 7 قىزمەتكەردەن تۇراتىن تەرگەۋ توبى قۇرىلىپ، اتىشۋلى ەلميرا دۇيسەنقىزىنىڭ ارىزى بويىنشا م.سارباسوۆتىڭ وزىنە قارسى قىلمىستىق ءىس قوزعادى. ءبىر جارىم جىل تەرگەۋ ءجۇردى، دۇيسەنقىزى اركەز م.سارباسوۆقا قارسى جاڭا ايىپتاۋ ارىز جازىپ، ۇستەمەلەپ كەلدى. قازىر بۇل ءىس سوتتا قارالىپ جاتىر. جوعارىدا اتاپ وتكەندەي م.سارباسوۆتى ايىپتاۋ دۇيسەنقىزىنىڭ ءجيى وزگەرىپ تۇراتىن سوزىنە عانا سۇيەنگەن»، - دەپ جازادى.

ەسكەرتۋ: ءبىزدىڭ رەداكتسيا – ەركىن اقپارات الاڭى. مۇندا پىكىر بىلدىرۋگە قازاقستان رەسپۋبليكاسىنىڭ ءاربىر ازاماتى قۇقىلى. ماقالادا اتتارى اتالاتىن تۇلعالاردىڭ قاي-قايسى ءبىزدىڭ رەداكتسيامىزعا پىكىر بىلدىرۋگە نيەت بىلدىرسە، ولاردىڭ دا پىكىرلەرىن جاريالايتىن بولامىز.

Abai.kz