كوركەم گيمناستيكا: بولگاريا استاناسى سوفيادا وتكەن يۋنيورلار اراسىنداعى الەم چەمپيوناتىندا اقمارال ەرەكەشەۆا تاريحي جەتىستىككە قول جەتكىزدى. ول دوپ جانە لەنتا جاتتىعۋلارىندا التىن، شىعىرشىق جاتتىعۋىندا كۇمىس مەدال جەڭىپ الدى.

سەمسەرلەسۋ: يندونەزيانىڭ بالي قالاسىندا وتكەن ازيا چەمپيوناتىندا وتانداستارىمىز ءبىر كۇمىس جانە ءبىر قولا مەدال ولجالادى.

سپورتتىق گيمناستيكا: وزبەكستاندا وتكەن Challenge Cup جارىسىندا ۇلتتىق قۇرامانىڭ ءۇش سپورتشىسى جۇلدەگەرلەر قاتارىنان كورىندى.

بايداركا جانە كانوەمەن ەسكەك ەسۋ: تايلاندتىڭ رايونگ قالاسىندا وتكەن ازيا چەمپيوناتىندا (U23) ۇلتتىق قۇراما 6 التىن، 6 كۇمىس جانە 3 قولا مەدال ەنشىلەپ، جالپىكوماندالىق ەسەپتە 2-ورىنعا تۇراقتادى.

كۇرەس: ۆەتنامنىڭ ۆۋنگتاۋ قالاسىندا مارەسىنە جەتكەن 23 جاسقا دەيىنگى ازيا چەمپيوناتىندا پالۋاندارىمىز 6 التىن، 6 كۇمىس جانە 7 قولا مەدال جەڭىپ الدى.

جاعاجاي ۆولەيبولى: تايلاندتىڭ رويەت قالاسىندا وتكەن جاستار اراسىنداعى ازيا چەمپيوناتىندا قازاقستان قۇراماسى جەڭىمپاز اتاندى. بۇل – ەل تاريحىنداعى جاستار اراسىنداعى ازيا چەمپيوناتىنداعى العاشقى التىن.

ساداق اتۋ: قازاقستان قۇراماسى سينگاپۋردە وتكەن ازيا كۋبوگى كەزەڭىندە ەكى التىن جانە ءبىر قولا مەدال جەڭىپ الدى.

تەننيس: قازاقستاننىڭ ءبىرىنشى، الەمنىڭ 45-راكەتكاسى الەكساندر بۋبليك گەرمانيانىڭ گاللە قالاسىندا وتكەن ATP 500 ءتۋرنيرىنىڭ جەڭىمپازى اتاندى. فينالدا ول الەمنىڭ 11-راكەتكاسى رەسەيلىك دانيل مەدۆەدەۆتى جەڭدى.

سونداي-اق زارينا دياس يسپانيادا وتكەن ITF W35 تۋرنيرىندە توپ جاردى.

Abai.kz