ءدىني ءفاناتيزمدى تۋ ەتىپ, ەكى قوشقاردى ءسۇزىستىرىپ الىپ، ەندى ولاردى ىمىراعا كەلتىرۋدى كوزدەگەن ترامپتىڭ تىرلىگىنە جاھان قۇلاق تۇرۋدە.

وسى شاقتا اقش پرەزيدەنتى دونالد ترامپ يران مەن يزرايل اراسىنداعى وق اتۋدى توقتاتۋ تۋرالى مəلىمدەۋىنىڭ الدىندا ەۆرەي مەملەكەتىنىڭ پرەمەر-ءمينيسترى بينيامين نەتانياحۋگا تەلەفون شالىپ، بارلىق ۇرىس قيمىلدارىن توقتاتۋدى تالاپ ەتتى (NBC News تەلەارناسى).

ەندى، ءىستىڭ مəنىسىنە تولىق توقتالايىق.

«يزرايل مەن يران بىتىمگە كەلىستى»، - دەپ مəلىمدەدى ترامپ. «ءبىرىنشى بولىپ يران وق اتۋدى توقتاتادى، 12 ساعاتتان كەيىن يزرايل ءوز قادامدىن جاسايدى، ال «24 ساعاتتان كەيىن əلەم 12 كۇندىك سوعىستىڭ رەسمي اياقتالۋىن قولدايدى»، - دەدى ول.

«ەندى ەشقانداي سوعىس، ۇرىس جوق. يراندىقتار ايتارلىقتاي əلسىرەگەن»، - دەدى ترامپ. «بارشاڭىزدى قۇتتىقتايمىز! يزرايل مەن يران تولىق جəنە جان-جاقتى وق اتۋدى توقتاتۋعا تولىق كەلىستى»، - دەپ جازدى ول «Truth Social» جەلىسىندە.

يزرايل پرەمەر-ءمينيسترى بينيامين نەتانياحۋ يزرايل يرانعا قارسى «ام كەلاۆي» («حالىق ارىستانعا ۇقسايدى») وپەراتسياسىندا ءوز ماقساتتارىنا جەتكەنىن جəنە اقش پرەزيدەنتى دونالد ترامپپەن كەلىسە وتىرىپ، وق اتۋدى توقتاتاتىنىن راستادى.

ترامپ سوعىس ۇزاق جىلدار بويى جالعاسسا، «بۇكىل تاياۋ شىعىستى تالقاندايتىنىن» ايتتى. «قۇداي، ءيزرايلدى دە، يراندى دا، تاياۋ شىعىستى دا، امەريكا قۇراما شتاتتارىن دا، بۇكىل əلەمدى دە قولداسىن»، - دەپ تۇيىندەدى ول ءسوزىن.

يراننىڭ سىرتقى ىستەر ءمينيسترى ابباس اراكچي: «قازىرگى تاڭدا اتىستى توقتاتۋ نەمەسە اسكەري ءىس-قيمىلداردى دوعارۋ جونىندە ەشقانداي كەلىسىم جوق»، - دەپ دەپ مالىمدەگەنىمەن، يران ارمياسى اسكەري وپەراتسيالارىن جەرگىلىكتى ۋاقىت بويىنشا تاڭعى 4:00-دە توقتاتقانىن حابارلادى (ح جەلىسى).

24 ماۋسىم كۇنى تاڭەرتەڭ يراننىڭ مەملەكەتتىك تەلەارناسى يزرايلمەن اراداعى اتىستى توقتاتۋ رەجيمى باستالعانىن حابارلادى.

Abai.kz