تەحاستاعى سۋ تاسقىنىنان قازا تاپقاندار سانى 80-گە جەتتى. ولاردىڭ ىشىندە 28 بالا بار.

CNN مالىمەتىنشە، تاعى ونداعان ادام حابار-وشارسىز كەتكەن. ەڭ قاتتى نوسەر 4 شىلدەگە قاراعان ءتۇنى تەحاستا جاۋعان. سالدارىنان گۆادالۋپە وزەنىندە سۋ تاسقىنىن بولدى. سۋ دەڭگەيى نەبارى 45 مينۋتتا 8 مەترگە كوتەرىلگەنى حابارلاندى. حابار-وشارسىز كەتكەندەردىڭ اراسىندا وزەن جاعاسىندا ورنالاسقان سamp Mystic حريستيان قىزدار جازعى لاگەرىنىڭ 27 بالاسى بار.

جەرگىلىكتى بيلىكتىڭ مالىمەتىنشە، ىزدەۋ-قۇتقارۋ وپەراتسياسى بارىسىندا 850 ادام قۇتقارىلىپ، قاۋىپسىز جەرگە كوشىرىلگەن.

قايتىس بولعان جانە ءىز-ءتۇزسىز جوعالعان بالالار گۋادالۋپە وزەنىنىڭ جاعاسىندا، كەررۆيلل ماڭىنداعى قىزدارعا ارنالعان حريستياندىق جازعى Camp Mystic لاگەرىندە دەمالىپ جاتقان. ولار نوسەردەن كەيىن جاعادان شىققان.

اقش پرەزيدەنتى دونالد ترامپ ونىڭ اكىمشىلىگى شتات بيلىگىمەن تىعىز جۇمىس ىستەپ جاتقانىن، ونىڭ تاپسىرماسى بويىنشا تەحاسقا اقش ۇلتتىق قاۋىپسىزدىك ءمينيسترى كريستي نوەم بارعانىن ايتتى.

تەحاستا بولعان نوەم ءباسپاسوز ءماسليحاتىندا پرەزيدەنتتىڭ سۋ تاسقىنى كەزىندەگى ادامداردىڭ قازاسىنا «قاتتى ەسەڭگىرەپ قالعانىن» ايتتى جانە ودان شتات تۇرعىندارىنا مەلانيا ەكەۋى قاتتى قايعىرىپ جاتقانىن جانە ىزدەۋ جۇمىستارىن جەڭىلدەتۋ ءۇشىن فەدەرالدى ۇكىمەتتىڭ بارلىق رەسۋرسىن بەرۋگە دايىن ەكەنىن جەتكىزۋىن سۇرادى.

Abai.kz