تۋريزم جانە سپورت مينيسترلىگى سپورت سالاسىنداعى قارجىلاندىرۋ جۇيەسىن جەتىلدىرۋ جانە بيۋدجەت قاراجاتىن ءتيىمدى پايدالانۋ باعىتىندا جۇمىس جۇرگىزۋدە.

مينيسترلىكتىڭ ۇسىنىسى بويىنشا وڭىرلەردە "1 ءوڭىر – 1 كلۋب – 1 سپورت ءتۇرى" قاعيداتى ەنگىزىلىپ جاتىر. بۇل قايتالاناتىن قارجىلاندىرۋدى بولدىرماۋعا باعىتتالعان.

2024 جىلعى ماۋسىمدا كۇشىنە ەنگەن جاڭا زاڭعا سايكەس، كوماندالىق سپورت كلۋبتارىن مەملەكەتتىك قارجىلاندىرۋ شەكتەلدى. شەتەلدىك سپورتشىلارعا بيۋدجەت جانە كۆازيمەملەكەتتىك سەكتور قاراجاتىن پايدالانۋ زاڭمەن تىيىم سالىندى.

جاڭارتىلعان زاڭ اياسىندا بىرقاتار ماڭىزدى وزگەرىستەر ەنگىزىلدى:

• وليمپيادا، ازيا ويىندارى جانە باسقا حالىقارالىق دودالارداعى كورسەتكىشتەرگە سۇيەنە وتىرىپ، 60-تان استام باسىم سپورت ءتۇرى انىقتالدى;
• 11 ۇلتتىق سپورت ءتۇرى باسىم سپورت تۇرلەرىنىڭ قاتارىنا ەندى;
• ءى توپتاعى مۇگەدەكتىگى بار سپورتشىلاردى الىپ جۇرەتىن تۇلعا ۇعىمى زاڭمەن بەكىتىلدى;
• سپورت ۇيىمدارى باسشىلارىنا ارنالعان روتاتسيا جۇيەسى ەنگىزىلدى – ەندى ولار 5 جىل مەرزىمگە تاعايىندالادى.

بۇل شارالار سپورتتى ءتيىمدى جانە ناتيجەلى باسقارۋعا باعىتتالعان رەفورمالاردىڭ ءبىر بولىگى.

Abai.kz