الماتىدا قالا قۇرىلىسىن شەكتەۋگە قاتىستى قانداي وزگەرىستەر ەنگىزىلەتىنى بەلگىلى بولدى.

جۋىردا پرەزيدەنت مەگاپوليس اكىمى دارحان ساتىبالدىمەن كەزدەسۋدە قالانىڭ جوعارعى بولىگىندە كوپپاتەرلى تۇرعىن ۇيلەر مەن نۇكتەلىك قۇرىلىستارعا موراتوري ەنگىزۋدى تاپسىرعان بولاتىن.

قالالىق جوسپارلاۋ جانە ۋربانيستيكا باسقارماسىنىڭ مالىمەتىنشە، قۇرىلىسقا تىيىم سالۋ:

• تالعار تاس جولىنىڭ،
• شىعىس اينالما جولىنىڭ (شاج),
• ءال-فارابي داڭعىلىنىڭ،
• ساين جانە جاندوسوۆ كوشەلەرىنىڭ وڭتۇستىگىندە ورنالاسقان اۋماقتارعا قاتىستى قولدانىلادى.

ۆەدومستۆونىڭ تۇسىندىرۋىنشە، اتالعان اۋدانداردا شەكتەن تىس قۇرىلىس بىرقاتار جۇيەلى ماسەلەلەرگە اكەلىپ وتىر، سونىڭ ىشىندە:

• ءبىلىم بەرۋ جانە دەنساۋلىق ساقتاۋ مەكەمەلەرىنىڭ جەتىسپەۋشىلىگى،
• ورتالىقتاندىرىلعان سۋ جانە كارىز جۇيەلەرىنىڭ بولماۋى،
• ينجەنەرلىك جەلىلەردىڭ جۇكتەمەسىنىڭ ارتۋى (ولار جەكە مونوپوليستەرگە تيەسىلى),
• كولىك جولدارىنىڭ شامادان تىس جۇكتەلۋى،
• ارىق جۇيەسىنىڭ جەتىسپەۋىنەن بولاتىن تۇراقتى سۋ باسۋ جاعدايلارى.

قۇرىلىس كومپانيالارى زاڭنامادا ناقتى رەتتەلمەگەن تاۋنحاۋستار ءتارىزدى كوپپاتەرلى تۇرعىن ۇيلەردى سالۋدى جالعاستىرىپ جاتىر. موراتوري نەگىزىندە مۇنداي تۇرعىن ءۇي قۇرىلىسىنا باستاپقى جوبا قۇجاتتاماسى بەرىلمەيدى. بۇل شەكتەۋ قازىردىڭ وزىندە جۇزەگە اسىپ جاتقان جوبالارعا قاتىستى ەمەس، – دەدى باسقارما باسشىسى الماس جانبىرشى.

سونداي-اق تاۋلى ايماقتا قالا قۇرامىنا وبلىستىق اۋماقتاردان بەرىلگەن اۋماعى 2 000 گەكتاردان اساتىن، 1500-گە جۋىق يگەرىلمەگەن اۋىل شارۋاشىلىعى جەرى بار ەكەنى ايتىلدى.

جاقىن ارادا 2040 جىلعا دەيىنگى الماتىنى دامىتۋ باس جوسپارىنا وزگەرىستەر ەنگىزىلەدى.