قازاقستان رەسپۋبليكاسى

ىشكى ىستەر ءمينيسترى

ەرجان ساپاربەكۇلى سادەنوۆ مىرزاعا

ۇسىنىس حات

قۇرمەتتى مينيستر مىرزا!

ەلىمىزدە جول-كولىك اپاتتارىنىڭ ازايماي وتىرعانى ءبارىمىزدى الاڭداتادى.

جۇرگىزۋشىلەردىڭ جىلدامدىقتى شامادان تىس اسىرۋى، تەلەفون پايدالانىپ جولعا كوڭىل بولمەۋى، كەيبىرىنىڭ ىشىمدىك ءىشىپ رولگە وتىرۋى سالدارىنان كوپتەگەن جازاتايىم جاعدايلار ورىن الۋدا.

قازاقستاندا جىل سايىن شامامەن 2 مىڭنان اسا ادام جول اپاتىنان قايتىس بولادى.

سوڭعى ءبىر اپتانىڭ ىشىندە ەلىمىزدە 25 ازامات قازا تاپتى. ارقايسىمىز جولدا جۇرەمىز، بىراق الدىمىزدا نە كۇتىپ تۇرعانى بەلگىسىز.

وكىنىشكە قاراي، جول-پاترۋلدىك پوليتسيا جاساقتارىن كوبەيتۋ اپاتتاردى ازايتۋعا ايتارلىقتاي اسەر ەتكەن جوق.

جۇرگىزۋشىلەر تەك پاترۋلدىك كولىكتى كورگەن ساتتە عانا باياۋلاپ، كەيىن قايتادان جىلدامدىقتى ارتتىرادى.

بۇل جاعداي اسىرەسە تاكسي جۇرگىزۋشىلەرىنە ءتان.

ولار 180–200 كم/ساع جىلدامدىقپەن جارىسىپ، سالوندا 7–10 جولاۋشىنى تاسىمالدايدى. مۇنداي جاعدايدا اپاتتىڭ بولماۋى مۇمكىن ەمەس.

وسىعان بايلانىستى سىزگە تومەندەگى ۇسىنىستارىمدى جەتكىزەمىن:

1. رەسپۋبليكالىق جانە وبلىستىق ماڭىزى بار جولداردا درونداردى قولدانۋدى جولعا قويۋ;

2. دروندار جاسىرىن ۇشىپ، جۇرگىزۋشىلەرگە الدىن الا ەسكەرتىلمەيتىن بولۋى ءتيىس;

3. جول ەرەجەسىن بۇزۋ فاكتىلەرىن تىركەۋ جانە ايىپپۇل راسىمدەۋ پروتسەستەرىن جاساندى ينتەللەكت ارقىلى اۆتوماتتاندىرۋ;

4. پوليتسيا قىزمەتكەرلەرىنىڭ تىكەلەي ارالاسۋىن ازايتۋ ارقىلى جەمقورلىق تاۋەكەلدەرىن تومەندەتۋ;

5. جولدا جۇرگەن مىڭداعان پوليتسيا قىزمەتكەرلەرى مەن ولاردىڭ كولىكتەرىن باسقا سالالارعا ءتيىمدى پايدالانۋعا مۇمكىندىك تۋادى;

6. مەملەكەتتىڭ ميللياردتاعان قارجىسى ۇنەمدەلەدى.

بۇل شارالار ەنگىزىلگەن جاعدايدا جۇرگىزۋشىلەر جول ەرەجەسىن تۇراقتى ساقتاۋعا ءماجبۇر بولادى.

«توبەدەن درون كورىپ تۇر، ءبارىن جازىپ تۇر» دەگەن وي ولاردىڭ جولداعى جاۋاپكەرشىلىگىن ارتتىرادى.

ناتيجەسىندە جول اپاتتارى ازايىپ، تالاي ادامنىڭ ءومىرى ساقتالادى دەپ سەنەمىن.

قۇرمەتپەن،

جانىبەك سۇيەۋۇلى قوجىق

ماڭعىستاۋ وبلىسى،

وندى اۋىلى

Abai.kz