بۇگىن، 23 قىركۇيەكتە قازاقستاننىڭ 14 وبلىسىندا اۋا رايىنا بايلانىستى داۋىلدى ەسكەرتۋ جاريالاندى دەپ حابارلايدى "قازگيدرومەت" .

سينوپتيكتەردىڭ مالىمەتىنشە، ەلىمىزدىڭ بىرقاتار وڭىرىندە قاتتى جاڭبىر، نايزاعاي، بۇرشاق جاۋادى. كەي جەرلەردە تۇمان ءتۇسىپ، جەلدىڭ ەكپىنى 15-25 م/س-قا دەيىن جەتەدى.

اتاپ ايتقاندا، الماتى وبلىسىنىڭ تاۋلى ايماقتارىندا جاڭبىرمەن قاتار قار جاۋى مۇمكىن.

شىعىس قازاقستان مەن اباي وبلىستارىندا بۇرشاق كۇتىلەدى.

قاراعاندى، جامبىل، جەتىسۋ جانە پاۆلودار وبلىستارىندا نايزاعاي مەن قاتتى نوسەر بولجانۋدا.

سونىمەن قاتار، قىزىلوردا، تۇركىستان، اتىراۋ، باتىس قازاقستان جانە قوستاناي وبلىستارىنىڭ كەي اۋماقتارىندا ءورت قاۋپى جوعارى دەڭگەيدە ساقتالادى.

الماتى قالاسىندا تاڭەرتەڭ جانە كۇندىز قاتتى جاڭبىر جاۋىپ، نايزاعاي وينايدى. جەل ەكپىنى 18 م/س-قا دەيىن جەتۋى ىقتيمال.

توتەنشە جاعدايلار قىزمەتى تۇرعىندارعا ساقتىق شارالارىن قاتاڭ ساقتاۋدى ەسكەرتەدى.

Abai.kz