“سامۇرىق-قازىنا” قورى قازاقستان قور بيرجاسىنا (KASE) جىبەرگەن حابارلاماعا سايكەس، قانات شارلاپاەۆ 25 قىركۇيەكتە ديرەكتورلار كەڭەسىنىڭ قۇرامىنان شىعارىلعان.

ايتا كەتەيىك، 25 قىركۇيەكتە قانات شارلاپاەۆ قازاقستان پرەزيدەنتىنىڭ كومەكشىسى قىزمەتىنەن دە بوساتىلدى. ول بۇل لاۋازىمعا 2025 جىلدىڭ اقپان ايىنىڭ سوڭىندا تاعايىندالعان ەدى.

ەسكە سالا كەتەيىك، قانات شارلاپاەۆ 2023 جىلدىڭ قىركۇيەگىنەن باستاپ يندۋستريا جانە قۇرىلىس ءمينيسترى بولىپ جۇمىس ىستەدى. بۇعان دەيىن ول “بايتەرەك” ۇلتتىق باسقارۋشى حولدينگى” اق باسقارما توراعاسى ءارى ديرەكتورلار كەڭەسىنىڭ مۇشەسى بولعان.

شارلاپاەۆ بۇرىن رەسەي فەدەراتسياسىنىڭ ازاماتتى بولعان. 2022 جىلدىڭ كۇزىندە ول رەسەيلىك ازاماتتىعىنان شىعۋ تۋرالى ءوتىنىش بەرگەن. سونداي-اق 2017 جىلى ماسكەۋدە دۇنيەگە كەلگەن شارلاپاەۆتىڭ قىزى دا رەسەي ازاماتتىعىنان شىققان.

Abai.kz