BTS Digital قازاقستان رەسپۋبليكاسى پرەزيدەنتى جانىنداعى جاساندى ينتەللەكتتى دامىتۋ جونىندەگى كەڭەستىڭ العاشقى وتىرىسىنا قاتىستى. بۇل – ەلدىڭ تەحنولوگيالار مەن تسيفرلىق ەكونوميكانىڭ بولاشاعى تالقىلاناتىن باستى الاڭدارىنىڭ ءبىرى.

ءىس-شارا بارىسىندا كومپانيا ءوزىنىڭ سۋپەراپپى Aitu-دىڭ دامۋ بارىسىن تانىستىردى. قولدانۋشىلار سانى تۇراقتى تۇردە ارتىپ كەلەدى.

تانىستىرىلىمدى BTS Digital جشس باس ديرەكتورى نۋرتاي ابيلگاليەۆ ۇسىندى.

«ءبىز ءۇشىن Aitu جاي عانا مەسسەندجەر ەمەس، ادامدار مەن بيزنەسكە ارنالعان سەرۆيستەردى بىرىكتىرەتىن ۇلتتىق پلاتفورماعا اينالۋى ماڭىزدى. مۇنى ءبىز قازاقستاننىڭ تسيفرلىق تاۋەلسىزدىگىنە جانە ورنىقتى تسيفرلىق ەكونوميكانى قالىپتاستىرۋعا جاسالعان قادام دەپ بىلەمىز»، – دەپ اتاپ ءوتتى ول.

پلاتفورماعا جاڭا ەكوجۇيەلەر مەن سەرىكتەس سەرۆيستەر قوسىلىپ جاتىر. ماسەلەن، ءبىلىم بەرۋ پلاتفورماسىندا وقۋشىلار ساباق كەستەسىنە قول جەتكىزىپ، قوسىمشا ماتەريالداردى پايدالانادى، قاۋىمداستىقتار قۇرىپ، ءتۇرلى ءىس-شارالارعا قاتىسا الادى.

Aitu بيزنەس ءۇشىن دە اشىق: كومپانيالار جاڭا مۇمكىندىكتەرگە يە بولىپ، كليەنتتەرىمەن بايلانىسۋ ءۇشىن بيزنەس-چاتتاردى پايدالانادى، جاڭالىقتارى مەن ۇسىنىستارىن جاريالاۋ ءۇشىن ءوز ارنالارىن اشادى، سونداي-اق ءتيىمدى ءوزارا ارەكەتتەسۋ ءۇشىن ماركەتپلەيس ارقىلى جەكە ميني-قوسىمشالارىن ينتەگراتسيالاي الادى.

سونىمەن قاتار، Aitu-عا ەنگىزىلگەن AI-پلاتفورما پايدالانۋشىلار مەن بيزنەس ءۇشىن جاڭا مۇمكىندىكتەردى اشادى.

BTS Digital قازاقستاننىڭ تسيفرلىق ەكوجۇيەسىن قالىپتاستىرۋعا جانە Aitu-دى ۇلتتىق پلاتفورما رەتىندە دامىتۋعا ۇلەس قوسۋدى جالعاستىرىپ كەلەدى.

Abai.kz