پۋتين اقش-قا 800 ملن دوللارعا ۋران ساتقانىن مالىمدەدى جانە ۋكرايناعا Tomahawk راكەتاسى بەرىلۋى مۇمكىن تۋرالى اقپاراتقا پىكىرىن ايتتى، - دەپ حابارلايدى «ازاتتىق راديوسى».

«بيىل العاشقى جارتى جىلدا اقش-قا 800 ملن دوللاردان استام ۋران ساتتىق. جىل سوڭىنا دەيىن بۇل كورسەتكىش ميلليارد دوللاردان اسادى دەپ ويلايمىن. قازىر 2026 جىلى بۇل 800 ملن دوللاردان استام بولادى دەپ قاراستىرىلىپ جاتىر. سوندىقتان جۇمىس جالعاسىپ جاتىر. امەريكالىقتار ءتيىمدى بولعاندىقتان ءبىزدىڭ ۋراندى ساتىپ الادى. جانە دۇرىس ىستەپ جاتىر»، - دەدى پۋتين.

ونىڭ سوزىنشە، رەسەي اقش-قا ۋران تاسىمالداۋ كولەمى بويىنشا ەكىنشى ورىندا تۇر جانە ەلگە يمپورتتالاتىن جالپى ۋران كولەمىنىڭ 25 پايىزىن قامتاماسىز ەتەدى. پۋتين سونىمەن بىرگە اقش پرەزيدەنتى دونالد ترامپتىڭ 2022 جىلى امەريكانى ءوزى باسقارعاندا رەسەي مەن ۋكراينا سوعىسپاس ەدى دەگەن پىكىرىمەن كەلىسەتىنىن دە جەتكىزدى.

Abai.kz