2026 جىلدان باستاپ ەلدىڭ ەكونوميكالىق دامۋى تەك ءىرى قالالارمەن شەكتەلمەي، وڭىرلەرگە دە باسىمدىق بەرىلەدى. بۇل تۋرالى قارجى ءمينيسترى ءمادي تاكيەۆ ءماجىلىستىڭ جالپى وتىرىسىندا “2026–2028 جىلدارعا ارنالعان رەسپۋبليكالىق بيۋدجەت تۋرالى” زاڭ جوباسىن تانىستىرۋ كەزىندە ايتتى.

ءمينيستردىڭ سوزىنشە، الداعى ءۇش جىلدا وڭىرلەردى دامىتۋعا 581 ملرد تەڭگە بولىنبەك. ونىڭ ىشىندە 2026 جىلدىڭ وزىندە بۇل باعىتقا 300 ملرد تەڭگە قاراستىرىلىپ وتىر. بۇل قارجى حالىقتىڭ ءومىر ساپاسىن ارتتىرۋعا جانە جەرگىلىكتى ينفراقۇرىلىمداردى جاقسارتۋعا باعىتتالماق.

سونىمەن قاتار وڭىرلەردىڭ قارجىلىق دەربەستىگىن كۇشەيتۋ ءۇشىن 2026 جىلى جەرگىلىكتى اكىمدىكتەرگە 5,1 ترلن تەڭگە كولەمىندە ترانسفەرتتەر بەرىلەدى. بۇل - وڭىرلىك باسقارۋدىڭ پارمەندىلىگىن ارتتىرۋعا ارنالعان ماڭىزدى قادامداردىڭ ءبىرى، - دەدى ول.

تاكيەۆتىڭ سوزىنشە، بيۋدجەتتە تاعى ءبىر ءىرى باعىت – كۇشتىك قۇرىلىمداردى قارجىلاندىرۋ. 2026 جىلى بۇل سالاعا 3 ترلن تەڭگە قاراستىرىلعان. بۇل – بيىلمەن سالىستىرعاندا 335 ملرد تەڭگەگە ارتىق. وسىلايشا، قورعانىس جانە قاۋىپسىزدىك سالاسىنا جۇمسالاتىن شىعىندار ءجىو-ءنىڭ 1 پايىزىن قۇرايدى.

ءمينيستردىڭ ايتۋىنشا، بۇل قاراجات تەك جاۋىنگەرلىك دايىندىقتى ۇستاپ تۇرۋعا ەمەس، سونىمەن قاتار اسكەري قۇرىلىمداردى جاڭعىرتۋعا، ماتەريالدىق-تەحنيكالىق بازانى نىعايتۋعا دا جۇمسالادى.

Abai.kz