اقش پرەزيدەنتى دونالد ترامپ سۋداندى «جەر بەتىندە زورلىق-زومبىلىق ەڭ كوپ جاسالاتىن جەر» دەپ اتاپ، Truth Social الەۋمەتتىك جەلىسىندە ساۋد ارابياسى حانزاداسىنىڭ ءوتىنىشى بويىنشا سول ەلدەگى سوعىستى توقتاتاتىنىن مالىمدەدى.

- سۋدان جانتۇرشىگەرلىك قاتىگەزدىكتى باستان كەشىرىپ وتىر. ول جەر بەتىندە زورلىق-زومبىلىققا ەڭ تولى جەرگە جانە سونىمەن بىرگە ەڭ ۇلكەن گۋمانيتارلىق داعدارىسجايلاعان ەلگە اينالدى. ازىق-تۇلىك، دارىگەرلەر جانە باسقا دا قاجەتتىلىكتەرگە مۇقتاج. الەم بويىنشا اراب ەلدەرىنىڭ كوشباسشىلارى، سونىڭ ىشىندە قۇراما شتاتتاردان جاقىندا كەتكەن ساۋد ارابياسىنىڭ قۇرمەتتى تاق مۇراگەرى مەنەن سۋداندا بولىپ جاتقان وقيعالاردى دەرەۋ توقتاتۋ ءۇشىن پرەزيدەنتتىك بيلىكتىڭ كۇشى مەن ىقپالىن پايدالانۋدى سۇرادى. سۋدان وكىنىشكە قاراي قۇلدىراپ بارا جاتقان ۇلى وركەنيەت سانالادى، بىراق ەلدەر اراسىنداعى ىنتىماقتاستىق پەن ۇيلەستىرۋ ارقىلى جاعدايدى قالپىنا كەلتىرۋگە بولادى، - دەپ مالىمدەدى ترامپ جازباسىندا.

امەريكا كوشباسشىسىنىڭ ايتۋىنشا، اقش ساۋد ارابياسى، بىرىككەن اراب امىرلىكتەرى، مىسىر جانە تاياۋ شىعىستاعى باسقا سەرىكتەستەرمەن بىرلەسىپ «وسى زۇلىمدىقتاردى توقتاتۋ جانە سونىمەن بىرگە سۋدانداعى جاعدايدى تۇراقتاندىرۋ» ءۇشىن جۇمىس ىستەۋگە نيەتتى.

بۇعان دەيىن سۋدانداعى جەدەل قولداۋ كۇشتەرى (RSF) اتتى قارۋلى قۇرىلىم باتىس سۋدانداعى ەل-فاشەر قالاسىن باقىلاۋىنا العانىن حابارلادى.

وڭتۇستىك سۋدان الەمدەگى ەڭ اۋىر گۋمانيتارلىق داعدارىستاردىڭ ءبىرىن باستان وتكەرىپ وتىر. بۇۇ دەرەكتەرىنە سايكەس، ەلدەگى شامامەن 9,3 ميلليون ادام (بۇل شامامەن حالىقتىڭ 70 پايىزى) گۋمانيتارلىق كومەككە ءزارۋ.

Abai.kz