ۇگىت-ناسيحات ناۋقانى باستالىسىمەن ساراپشىلار قاۋىمى قۇرىلتاي دەپۋتاتتارىن سايلاۋ الدىندا باسەكەلەس پارتيالاردىڭ باعدارلامالىق قۇجاتتارىن قاراپ شىقتى. ناۋقاننىڭ اۋەلگى اپتاسىندا «ادىلەت» پارتياسىنىڭ «ادىلەتتى بولاشاق ءۇشىن» اتتى سايلاۋالدى باعدارلاماسى ساياساتتانۋشىلار اراسىندا ساراپتامالىق تالقىنىڭ وزەگىنە اينالدى.

بەلگىلى ساياساتتانۋشىلار، ەكونوميستەر مەن سالالىق ساراپشىلار پارتيانىڭ باعدارلامالىق قۇجاتىن جان-جاقتى تالداپ، ساياسات ساحناسىندا پايدا بولعان جاڭا ۇجىمنىڭ سايلاۋشىلار الدىنا قانداي جوسپارمەن شىققانىن كانىگى كوزقاراسپەن باعامداپ كوردى. ساياسي ارەنانىڭ تامىرىن باسىپ وتىرعان بىلگىرلەر «ادىلەتتى» وسى سايلاۋ ناۋقانىنا باستى ۇمىتكەر مارتەبەسىندە قادام باستى دەگەن ورتاق پايىمعا توقتايدى.

سۋرەت: «ادىلەت» پارتياسىنان الىندى.

پرەزيدەنت باعىتىن قولدايتىن فاۆوريت

ساياساتتانۋشى عازيز ابىشەۆ پارتيانى سايلاۋ ماۋسىمىنىڭ ءفاۆوريتى دەپ اتايدى. ويتكەنى، ونىڭ كادرلىق الەۋەتى مەن رەسۋرستىق مۇمكىندىكتەرى وسىعان مۇمكىندىك بەرەدى. پارتيالىق تىزىمىندە مەملەكەتتىك باسقارۋ سالاسىنىڭ تاجىريبەلى ماماندارى، زاڭگەرلەر، سونداي-اق مەتاللۋرگيا، ەنەرگەتيكا جانە اگروونەركاسىپتىك كەشەننىڭ ورتانسىنان شىققان ماماندار توپتاسقان.

ال ساياساتتانۋشى دانيار اشىمباەۆ باعدارلامانىڭ مازمۇندى شىققانىن، ونداعى ماقساتتاردىڭ اۋقىمىن جانە ونىڭ مەملەكەت باسشىسىنىڭ ستراتەگيالىق باعىتىنا ساي ىسكە اسىرىلۋىن ەرەكشەلەپ كورسەتەدى.

«كەز كەلگەن پارتيانىڭ جەڭىسكە جەتۋى ءۇشىن باستاپقىدا ءۇش نەگىزگى قۇرامى بولۋى قاجەت – مىقتى رەسۋرستىق بازا، ساپالى كانديداتتار ءتىزىمى جانە قۋاتتى باعدارلاما»، – دەيدى ول.

سونىمەن قاتار، ونىڭ پىكىرىنشە، پارتيا پرەزيدەنت قاسىم-جومارت توقاەۆ ايقىنداعان نەگىزگى ساياسي باعىتتاردى دامىتا وتىرىپ، ولاردى حالىقتىڭ الەۋمەتتىك قاجەتتىلىكتەرىن وتەيتىن جاڭا ۇسىنىستارمەن تولىقتىرعان.

ساراپشىلاردىڭ ايتۋىنشا، باعدارلامادا پاتەرناليستىك ۋادەلەردەن سانالى تۇردە باس تارتىپ، ونىڭ ورنىنا ينستيتۋتسيونالدىق پراگماتيزمگە، قۇقىقتىق ءتارتىپتى نىعايتۋعا جانە ناقتى كوڭىل يلاناتىن كورسەتكىشتەرگە باسىمدىق بەرىلگەن. ونى باسقالاردان وسىنداي سيپاتى ايشىقتاپ تۇرعانىن ايتادى.

ساياساتتانۋشى ءادىل كاۋكەنوۆتىڭ ويىنشا، باعدارلامانىڭ باستى ەرەكشەلىگى – نەگىزگى نازار جەكە تۇلعالاردان گورى تۇراقتى مەحانيزمدەرگە اۋدارىلعان.

«قۇندىلىقتار مەن ينستيتۋتتارعا باسىمدىق بەرىلگەنى كوزگە بىردەن تۇسەدى. باعدارلاما اۆتورلارى قازاقستاننىڭ باستى ماسەلەسى رەسۋرستىڭ جەتىسپەۋشىلىگىندە ەمەس، مەملەكەتتىك ينستيتۋتتار مەن ساياسي مادەنيەتتىڭ ساپاسىندا ەكەنىنە ۇنەمى ورالىپ وتىرعان. «ادىلەت» وكىلدەرى وتكەننىڭ سارقىنشاعى سانالاتىن ۇرانشىل ۋادەلەردەن باس تارتقان. ونىڭ ورنىنا ناقتى ماقساتتى ينديكاتورلاردى ۇسىندى. بۇل سايلاۋشىلارمەن اشىق ءارى ادال ديالوگ جۇرگىزۋگە جانە سونىمەن بىرگە ءوز موينىنا جاۋاپكەرشىلىك الۋعا دايىن ەكەندىگىن كورسەتتى»، – دەدى ول.

سۋرەت: «ادىلەت» پارتياسىنان الىندى.

KPI-مەن بەكىتىلگەن باعدارلاما

جاۋاپكەرشىلىك تاقىرىبىن جالعاستىرعان ساياساتتانۋشى يسلام كۋراەۆ پارتيانىڭ نەگىزگى مىندەتتەردى ناقتى كورسەتكىشتەرمەن، ياعني KPI جۇيەسىمەن بەكىتكەنىن ەرەكشەلەپ كورسەتەدى.

«جەتى ستراتەگيالىق ماقسات پەن 10 باعدارلامالىق باعىت ناقتى ولشەمدەرگە نەگىزدەلگەن: 1 ميلليون جۇمىس ورنىن قۇرۋ، تۇرعىن ۇيمەن قامتاماسىز ەتۋ كولەمىن ءبىر ادامعا شاققاندا 30 شارشى مەترگە دەيىن جەتكىزۋ، ءومىر ءسۇرۋ ۇزاقتىعىن 77 جاسقا دەيىن ارتتىرۋ. باعدارلاماداعى ءاربىر باستاما ناقتى ساندىق كورسەتكىشتەرمەن سۇيەمەلدەنگەن. وسى ارقىلى «ادىلەت» ءوز ساياسي جاۋاپكەرشىلىگىنىڭ دەڭگەيىن سانالى تۇردە ارتتىردى. باعدارلامانىڭ نەگىزىندە جەكەلەگەن باسشىلارعا تاۋەلدى جۇيە ەمەس، ورنىقتى ينستيتۋتتاردى دامىتۋ قاعيداتى جاتىر»، – دەدى ول.

ءوز كەزەگىندە ساياساتتانۋشى كازبەك مايگەلدينوۆ پارتيا باعدارلاماسىنىڭ ماڭىزدى تۇسى دەپ مىنانى اتاپ وتەدى. ونىڭ ايتۋىنشا، باعدارلامادا مەملەكەتتىك ينستيتۋتتاردىڭ جۇمىسىن بارىنشا اشىق ەتۋگە ەرەكشە ءمان بەرىلگەن. بۇل باسقارۋ جۇيەسىنىڭ اشىقتىعى مەن ەسەپتىلىگىن كۇشەيتەرى ءسوزسىز.

«پارتيا باسقارۋ ساپاسى بەلگىلى ءبىر لاۋازىمدا كىمنىڭ وتىرعانىنا تاۋەلدى بولماۋى كەرەك دەگەن ۇستانىمدى العا تارتادى. بۇل تۇراقتى ءارى جەكەلەگەن تۇلعالارعا تاۋەلسىز مەملەكەت قۇرۋ يدەياسىنىڭ تىكەلەي جالعاسى. سونداي-اق پارتيا باعدارلامانىڭ ءاربىر تارماعى بويىنشا تسيفرلىق پانەل ارقىلى جۇرتشىلىق الدىندا تۇراقتى ەسەپ بەرۋدى جوسپارلاپ وتىرعانىن ەرەكشە اتاپ وتكەن ءجون. بۇل پارتيالىق مادەنيەت ءۇشىن اشىقتىقتىڭ جاڭا ستاندارتىن قالىپتاستىرادى»، – دەدى ول.

باعدارلامانىڭ ەكونوميكالىق باعىتىن ەلەكتەن وتكىزگەن ساراپشىلار دا ەرەكشەلىك تاۋىپ وتىر. مۇندا دا شيكىزاتتىق مودەلدەن ينستيتۋتسيونالدىق ساپالى وسىمگە جانە ءونىمدى تەرەڭ وڭدەۋدى دامىتۋعا بەت بۇرعانىن ەرەكشەلەپ ايتادى.

سۋرەت: «ادىلەت» پارتياسىنان الىندى.

جەكەمەنشىكتى قورعاۋ مەن قايتا وڭدەۋ جانە تەرەۋ وڭدەۋ

Qazaq Expert Club ۇيىمىنىڭ ەكونوميسى سايدا تىلەۋلەنوۆا «ادىلەت» پارتياسىنىڭ باعدارلاماسى قازىرگى جاھاندىق ەكونوميكالىق ۇردىستەرمەن ۇندەس ەكەنىن اتاپ ءوتتى.

«باعدارلامانىڭ ەكونوميكالىق ءبولىمى الەمدىك ەكونوميكانىڭ ساندىق وسىمنەن ينستيتۋتسيونالدىق ساپالى دامۋعا كوشۋ ءۇردىسىن كورسەتەدى. وندا جەكەمەنشىك قۇقىعىن قورعاۋ، ادال باسەكەلەستىكتى دامىتۋ، مونوپوليالانۋعا قارسى كۇرەس جانە كاسىپكەرلىكتى قولداۋ باستى نازارعا الىنعان. سونىمەن قاتار، ەكونوميكانىڭ شيكىزات سەكتورىنا تاۋەلدىلىگىن تومەندەتۋ باعىتىنا ەرەكشە ءمان بەرىلگەن»، – دەدى ول.

ونەركاسىپ سالاسىنداعى رەفورمالاردىڭ قولدانبالى سيپاتىنا سالالىق ساراپشى نۇرلان جۇماعۇلوۆ جان-جاقتى توقتالىپ، پارتيا ۇسىنعان باستامالاردى اتقارۋشى بيلىك ءۇشىن دايىن ءىس-قيمىل جوسپارى دەپ باعالادى.

«نەگىزگى قاعيدات – شيكىزات ەكسپورتىنان ونى تەرەڭ وڭدەۋگە كوشۋ قاجەت. 2030 جىلعا قاراي ەلىمىزدەگى ءۇش مۇناي وڭدەۋ زاۋىتىنىڭ قۋاتىن جىلىنا 18 ميلليون توننادان 30 ميلليون تونناعا دەيىن ۇلعايتۋ جوسپارلانعان. باعدارلامانىڭ ەنەرگەتيكاعا ارنالعان ءبولىمى جالپى ۇراندار جيىنتىعىنان گورى ۇكىمەتكە ارنالعان ناقتى مىندەتتەر تىزىمىنە كوبىرەك ۇقسايدى. وندا ناقتى وندىرىستىك قۋاتتار، مەرزىمدەر جانە سالالىق كورسەتكىشتەر ايقىن بەلگىلەنگەن»، – دەيدى ول.

الەۋمەتتانۋشى جاقسىبەك جيەناليەۆ پەن ساياساتتانۋشى ەدۋارد پولەتاەۆتار «ادىلەت» پارتياسىنىڭ باعدارلاماسى پاتەرناليستىك كومەك اۋقىمىن كەڭەيتۋگە ەمەس، كاسىپكەرلىكتى دامىتۋعا، يندۋستريالاندىرۋدى ىلگەرىلەتۋگە جانە ادامي كاپيتالدى نىعايتۋعا نەگىز بولاتىن ستراتەگيالىق باعىتتاردى ىسكە اسىرۋعا باسىمدىق بەرەتىنىن اتاپ ءوتتى.

سايىپ كەلگەندە، قاي ساراپشىنىڭ دا پايىمىندا ورتاق ءبىر ءتۇيىن بار. «ادىلەت» پارتياسى بۇكىل سايلاۋالدى ناۋقان ءۇشىن مازمۇندى ءارى ساپالى قوعامدىق پىكىرتالاستىڭ جوعارى ستاندارتىن قالىپتاستىرىپ وتىر.

دايىنداعان:

«ادىلەت» پارتياسىنىڭ ءباسپاسوز قىزمەتى.

«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.

تاپسىرىس بەرۋشى: ن.ت. مىڭجاساروۆ.

Abai.kz