الماتى وبلىسىندا «بارىس» بازارىن تولىق مەملەكەت مەنشىگىنە قايتارۋ بويىنشا جۇمىس ءجۇرىپ جاتىر.

قاراساي اۋدانى پروكۋراتۋراسى قازىرگى ۋاقىتتا اۆتوكولىك بازارىنىڭ 11 گەكتار اۋماعى، ياعني 30 پايىزى مەملەكەت يەلىگىندە ەكەنىن مالىمدەدى. قالعان 25,5 گەكتار جەر ۋچاسكەسىنىڭ مەنشىك يەسى — «Auto market Karasay» جشس.

— قاراساي اۋداندىق سوتىنىڭ شەشىمىمەن «بارىس» اۆتوكولىك بازارىنىڭ 36,5 گا اۋماعىنان 11 گا بولىگى مەملەكەت مەنشىگىنە قايتارىلدى. قالعان بولىگىن مەملەكەت مەنشىگىنە قايتارۋ بويىنشا اۋدان پروكۋراتۋراسىمەن سوتقا تالاپ ارىز جولداندى، — دەلىنگەن پروكۋراتۋرا مالىمدەمەسىندە.

ەسكە سالايىق، بۇعان دەيىن الماتى وبلىسىنىڭ اكىمى مارات سۇلتانعازيەۆ الماتى قالاسىنا جاقىن ورنالاسقان «بارىس» اۆتوكولىك بازارىنىڭ بولاشاعىنا قاتىستى پىكىر ءبىلدىردى.

— ەگەر ءبىز ءىستى جەڭىپ، 36 گەكتاردان استام جەر تەلىمىن وبلىس قاراماعىنا قايتارا الساق، بۇل جەردە ونەركاسىپتىك يندۋستريالىق ايماق قۇرۋ جوسپاردا بار، — دەدى ول.

2023 جىلى سوت «بارىس» اۆتوكولىك بازارىنىڭ جەر ۋچاسكەلەرىن ساتىپ الۋ-ساتۋ شارتىن جارامسىز دەپ تانىعان بولاتىن.

Abai.kz