ەلىمىزدە پرەزيدەنتتىك جاستار كادر رەزەرۆىنە قابىلداۋ جۇيەسى جاڭارتىلدى. اتاپ ايتقاندا، بيىل العاش رەت التى باعىت بويىنشا پروپورتسيونالدىق جۇيە ەنگىزىلدى.

ۇمىتكەرلەردى رەزەرۆكە الۋ كەزىندە مەملەكەتتىك ورگانداردىڭ كادرعا قاجەتتىلىكتەرى زەردەلەنگەن. بيىلعى قابىلداۋ ءتارتىبىنىڭ ەرەكشەلىگى جايىندا قر مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى الىبەك احمەديار «ءتۇيىن» اقپاراتتىق-تالدامالىق باعدارلاماسىنا بەرگەن سۇحباتىندا ايتىپ بەردى.

«ءبىز مەملەكەتتىك ورگاندارعا قانداي كادرلىق قاجەتتىلىك بارىن قاراستىردىق. بيىلعى ەرەكشەلىك - التى باعىت بويىنشا پروپورتسيونالدىق جۇيە ەنگىزىپ، رەزەرۆشىلەردى قابىلدادىق. بىزدە ينفراقۇرىلىم، قورشاعان ورتانى قورعاۋ، ونەركاسىپ سالالارىندا مەملەكەتتىك قىزمەتشىلەردىڭ ساندارى از. سول ءۇشىن پروپورتسيالىق جۇيەمەن وسى باعىتتارعا مۇمكىندىكتى كوپ بەردىك. ەڭ جوعارى باسەكەلەستىك بيىل الەۋمەتتىك ساياساتتى دامىتۋ جانە ازاماتتىق قوعامدى دامىتۋ باعىتى بويىنشا بولدى. ءبىر ورىنعا 335 ۇمىتكەر قاتىستى. ونىڭ سەبەبى الەۋمەتتىك قورعاۋ جانە ازاماتتىق قوعامدى دامىتۋ سالاسى ۇلكەن. قىزىعۋشىلىق كورسەتكەن ادامداردىڭ سانى كوپ بولعان سوڭ باسەكەلەستىك تە ۇلكەن بولدى»، - دەدى الىبەك احمادياروۆ.

سپيكەردىڭ ايتۋىنشا، بيىل ونەركاسىپ پەن ينفراقۇرىلىم باعىتتارىندا ايتارلىقتاي باسەكەلەستىك بولماعان.

بيىل پرەزيدەنتتىك جاستار كادر رەزەرۆىنىڭ ءتورتىنشى كەزەڭى اياقتالدى. ماۋسىم ايىنان باستاپ ىرىكتەۋگە قاتىسۋ ءۇشىن سايتقا 31 000 ادام تىركەلدى. 7436 ۇمىتكەر بەكىتىلگەن ەرەجەگە ساي باسەكەگە ءتۇسىپ، ۇلتتىق كوميسسيا شەشىمىمەن 50-ءى رەزەرۆكە قابىلداندى.

بۇعان دەيىن ەلىمىزدە پرەزيدەنتتىك جاستار كادر رەزەرۆىنىڭ العاشقى ءۇش كەزەڭى 2019, 2021, 2023 جىلدارى 66 مىڭ ادام تىركەلىپ، 400-ءى ىرىكتەلدى. ولاردىڭ ىشىنەن 320-دان استامى كۆازيمەملەكەتتىك سەكتوردا، 37-ءسى ساياسي لاۋازىمداردا، 5-ەۋى «ا» كورپۋسىندا، 3-ەۋى پارلامەنت ماجىلىسىندە قىزمەتكە قابىلدانعان.

باعدارلامانىڭ تولىق نۇسقاسى:

Abai.kz