اتىراۋدا اڭعا شىققان ادام سەرىگىن ابايسىزدا اتىپ ءولتىردى
قايعىلى وقيعا 6 جەلتوقساندا بولعان.
وقىس جايت تۇنگى ساعات 02:30 شاماسىندا اتىراۋ وبلىسى، قىزىلقوعا اۋدانى، اققورا اۋىلى ماڭىنداعى دالادا بولدى، دەپ جازادى inbusiness.kz سايتى.
الدىن الا مالىمەت بويىنشا، ەكى ەر ادام اڭ اۋلاۋعا شىقپاس بۇرىن الكوگول ىشكەن. 36 جاستاعى ەر ادام 39 جاستاعى سەرىگىن ابايسىزدا اتىپ جىبەرگەن.
قازىرگى تاڭدا قايعىلى وقيعانىڭ ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر.
Abai.kz
