ەل ۇكىمەتىنىڭ 5 جەلتوقسانداعى قاۋلىسىمەن «اقتاۋ تەڭىز پورتى» اەا شەكاراسى كەڭەيتىلدى.

قۇجاتتا «اقتاۋ تەڭىز پورتى» ارنايى ەكونوميكالىق ايماعى ماڭعىستاۋ وبلىسىنىڭ اۋماعىندا اشتاۋ مەن جاڭاوزەن قالالارىنىڭ، مۇنايلى، قاراقيا، تۇپقاراعان اۋداندارىنىڭ اكىمشىلىك-اۋماقتىق شەكارالارى شەگىندە ورنالاسقانى اتاپ وتىلەدى.

- اەا اۋماعى اقتاۋ حالىقارالىق اۋەجايىن قوسا العاندا 9 814,503 گەكتاردى قۇرايدى جانە قر اۋماعىنىڭ اجىراماس بولىگى سانالادى، - دەلىنگەن قۇجاتتا.

بۇعان دەيىن اتالعان ايماقتىڭ اۋدانى 4 407,503 گەكتاردى قۇراعان ەدى.

سونىمنە قاتار «اقتاۋ تەڭىز پورتى» اەا اۋماعىنىڭ جوسپارى جاڭا جاڭارتىلدى. سوعان سايكەس، اەا اۋماعىنا مىنالار كىرەدى:

- پورت ايماعى – 656,3543 گەكتار;
- يندۋستريالدىق ايماق – 7 428,1487 گەكتار;
- لوگيستيكالىق ايماق – 1 730 گەكتار.

ارنايى ەكونوميكالىق ايماق ءۇشىن 2052 جىلعا ارنالعان جاڭا ماقساتتى يندياتور بەلگىلەنگەن:

- جالپى ينۆەستيتسيا كولەمى – 1 320 ملرد تەڭگە (980 ملرد تەڭگە بولاتىن);
- اەا اۋماعىنداعى تاۋارلار مەن قىزمەتتەر (جۇمىستار) ءوندىرىسىنىڭ كولەمى – 1 600 ملرد تەڭگە.
- قاتىسۋشىلار (كومپانيالار) سانى – 180 بىرلىك (150 بولاتىن);
- اەا اۋماعىندا قۇرىلاتىن جۇمىس ورىندارىنىڭ سانى – 7 900 ادام (5 800 بولاتىن).

اەا اۋماعىندا ءوندىرىستىڭ جالپى كولەمىندەگى قازاقستاندىق قامتۋ ۇلەسى 83 پايىزدى (وزگەرىسسىز) قۇرايدى.

Abai.kz