قازاقستاندا 2026 جىلى وقۋ جوعارى وقۋ ورىندارىندا وقۋ اقىسىن قىمباتتاتۋ ماسەلەسى ءالى شەشىلگەن جوق.

بۇل تۋرالى عىلىم جانە جوعارى ءبىلىم ۆيتسە-ءمينيسترى گۇلزات كوبەنوۆا سەنات كۋلۋارىندا بەرگەن سۇحباتىندا ايتتى.

جۋرناليستەر ۆەدومستۆو باسشىسىنىڭ ورىنباسارىنان كەلەسى وقۋ جىلىنداعى وقۋ اقىسىنىڭ قۇنىنا قاتىستى سۇراق قويدى. «سالىق رەفورماسىنىڭ ىسكە اسۋى، ينفلياتسيانىڭ ءوسۋى جانە گرانت قۇنىنىڭ قىمباتتاۋى وقۋ اقىسىنا اسەر ەتىپ، باعا كوتەرىلە مە؟» دەپ سۇرادى باق وكىلدەرى.

نەگىزىندە، اقىلى بولىمدەگى وقۋ قۇنىن بەلگىلەۋ — جوعارى وقۋ ورنىنىڭ ءوز قۇزىرەتىنە كىرەتىن ماسەلە. دەگەنمەن ۋاكىلەتتى ورگان ادەتتە جوعارى وقۋ ورىندارىنا قازىرگى ەكونوميكالىق جاعدايدى ەسكەرىپ، سوعان ساي ورتاشا دەڭگەيدە وقۋ اقىسىن بەلگىلەۋ جونىندە ۇسىنىم بەرەدى. الدىڭعى جىلداردىڭ تاجىريبەسىنە قاراساق، وقۋ اقىسىنىڭ ءوسىمى، ادەتتە، الدىڭعى جىلمەن سالىستىرعاندا شامامەن 5–7 پايىزدان اسپاعان، – دەيدى ۆيتسە-مينيستر.

ايتۋىنشا، مينيسترلىك ازىرگە بۇل ماسەلەنى تالقىلاعان جوق.

بيىل عىلىم مينيسترلىگى قانداي ۇسىنىم بەرەدى دەگەن سۇراققا كەلسەك، ازىرگە بۇل ماسەلە تالقىلانعان جوق. بىراق، مەنىڭ ويىمشا، ءبارى بۇرىنعىداي، ءداستۇرلى تۇردە جالعاسا بەرەدى. ال جوعارى وقۋ ورىندارى تاراپىنان "وقۋ اقىسى كوتەرىلەدى" دەگەن ماسەلە سىزدەردىڭ الدارىڭىزعا قويىلدى ما؟" دەگەن سۇراققا جاۋاپ — جوق. بۇل – ولاردىڭ تىكەلەي قۇزىرەتىنە جاتاتىن ماسەلە، – دەپ جاۋاپ بەردى گۇلزات كوبەنوۆا.

Abai.kz