قازاقستاننىڭ ەلەكتروندى ۇكىمەتىنىڭ ءباسپاسوز قىزمەتى ونلاين تۇردە مەملەكەتتىك ءنومىر ساتىپ الۋ كەزىندە “وتپەي قالعان” وتىنىمدەر ماسەلەسىن قالاي شەشۋگە بولاتىنىن ءتۇسىندىردى.

eGov قوسىمشاسىندا مەملەكەتتىك ءنومىردى ونلاين الۋ قىزمەتى ىسكە قوسىلعانىمەن، پايدالانۋشىلار بىرقاتار قيىندىقتارعا تاپ بولدى. قىزمەت اقىسىن تولەگەننەن كەيىن ءنومىر يەسىنە بەكىتىلمەي، قوسىمشادا ءالى دە قولجەتىمدى كۇيدە قالعان.

بۇل ماسەلەنى شەشۋ ءۇشىن ءوتىنىمدى قايتا تاپسىرۋ قاجەت. ءۇشىنشى كەزەڭدە «بۇرىن تولەنگەن» تارماعىن تاڭداپ، بانك اتاۋى مەن تولەم جاسالعان كۇندى كورسەتۋ كەرەك. پروتسەسس اياقتالعان سوڭ ءنومىر پايدالانۋشىعا بەكىتىلىپ، باسقا ءوتىنىم بەرۋشىلەر ءۇشىن قولجەتىمسىز بولادى.

ايتا كەتەيىك، eGov قوسىمشاسى مەن ەلەكتروندى ۇكىمەت سايتىندا مەملەكەتتىك ءنومىردى ونلاين الۋ قىزمەتى ارنايى حقكو-لاردا اجيوتاج بەن ءتىرى كەزەكتەردى بولدىرماۋ ماقساتىندا ەنگىزىلگەن.

ماسەلەن، 5 قاڭتار كۇنى قازاقستانداعى ارنايى حقكو-لاردا كولىك قۇرالىنىڭ مەملەكەتتىك تىركەۋ ءنومىرىن تاڭداۋ بويىنشا جاڭا قىزمەتتىڭ ەنگىزىلۋىنە بايلانىستى سۇرانىس ارتقان.

Abai.kz