الماتى قالاسىندا جالعا بەرۋشى جانە يۆەنت-كومپانيالاردىڭ IV ورتالىق ازيا كونفەرەنتسياسى ءوتىپ جاتىر.

الماتى قالاسىندا مادەنيەت نىساندارى تەحنولوگيالارى ينجەنەرلەرى قاۋىمداستىعىنىڭ (ايتوك) ۇيىمداستىرۋىمەن جالعا بەرۋشى جانە يۆەنت-كومپانيالاردىڭ IV ورتالىق ازيا كونفەرەنتسياسى وتۋدە.

ءىس-شارا 2026 جىلعى 20–21 قاڭتار كۇندەرى الماتى قالاسىنداعى رەسپۋبليكا سارايىندا (دوستىق داڭعىلى، 56) وتەدى جانە ساحنالىق تەحنولوگيالار، جارىق، دىبىس، بەينە جانە ساحنالىق مەحانيكا سالاسىنداعى ورتالىق ازيا ءوڭىرىنىڭ ماماندارىن بىرىكتىرەدى.

كونفەرەنتسيا اياسىندا Shure, ROBE, L-Acoustics, DiGiCo, MA Lighting, Allen & Heath, Litec, ETC, LightSky, Panasonic, Dicolor, Magnimage جانە باسقا دا الەمدىك جەتەكشى برەندتەردىڭ ەڭ جاڭا ونىمدەرى مەن زاماناۋي شەشىمدەرىنىڭ پرەزەنتاتسيالارى بولادى.

باعدارلامادا جارىق سۋرەتشىلەرى، دىبىس رەجيسسيورلەرى، بەينەينجەنەرلەر، ساحنا مەحانيكتەرى مەن مونتاجشىلارعا ارنالعان دارىستەر مەن شەبەرلىك ساباقتارى، كاسىبي بايقاۋلار جانە باعالى سىيلىقتار ۇتىس ويىندارى قاراستىرىلعان.

كونفەرەنتسيانىڭ باس دەمەۋشىسى — «سامات شوۋ تەحنيك» كومپانياسى.

كونفەرەنتسيا اياسىندا قازاقستاندا العاش رەت ەلىمىزدىڭ جەتەكشى پروكات كومپانيالارىنىڭ قاتىسۋىمەن پانەلدىك سەسسيا ءوتتى، وندا سالانىڭ وزەكتى ماسەلەلەرى مەن 2026 جىلعا ارنالعان دامۋ جوسپارلارى تالقىلاندى.

جىل سايىن كونفەرەنتسيا شەڭبەرىندە جارىق سۋرەتشىلەرىنە ارنالعان «باسكينگ» بايقاۋى وتكىزىلەدى.

بيىل كونفەرەنتسيا باعدارلاماسىندا العاش رەت Sound Scrap دىبىس رەجيسسيورلەرىنىڭ باتتلى وتۋدە.

كونفەرەنتسيا سالا كوشباسشىلارى مەن ماماندارىن بىرىكتىرەتىن ءداستۇرلى الاڭعا اينالدى.

Abai.kz